Provébiu 3:17 - ꞌRe Ihâimana Uꞌâsi Mono Zadawa Wasuꞌu

¹⁷ Te za dapẽ'ẽ 'remhã dahâimanazé iwẽ ise hã te te dama 're anhomri. Te za duré rowẽ na dasima iwẽ na 're idahâimana za'ra mono zé hã te te 're da'anhimro.

Provébiu 3:17 ပူးပေါင်းရင်းမြစ်များ

Salmu 112:1

Uburé Danhib'apito ãma 're wawata u'âsi za'ra wa'aba mono! Ni'wa, Uburé Danhib'apito wazép sina 're isãmra mono hã, duré isimiroti te te 're iwapari zei u'âsi mono hã te za to sina 're hâimana.

Salmu 119:103

Aimreme hã te aiwa marĩ isei uptabi ne, 're hâimana. Tô sei uptabi di, ropĩni nhipai u hã.

Salmu 119:14

Ĩma rowẽ za'ẽtẽ di, asimiroti te 're iwapari pese mono zarina 're ĩhâimana mono zém na hã, danhimarĩ pese na 're idahâimana za'ra mono zém nhipai u.

Salmu 119:47

Asimiroti te rowezé hã te te ĩma sina 're sani, te 're sawi pese mono wa.

Provébiu 16:7

Uburé Danhib'apito hã, ni'wa ihâimanazém na te te wẽsãmri wamhã, te za isitob'ru norĩ ime rowẽ na 're hâimana za'ra mono da hã te te ãma tiwi 're azaprĩ, ihâimanazém na hã.

Provébiu 2:10

Ãne wamhã, ai'rãi waihu'u wẽ na te za sena na 're aihâimana mo. Tawamhã te za asimiza'rese wẽ zém na hã aipẽ'ẽ 'remhã asima irowẽ waze.

Provébiu 22:18

'Re i'awaihu'u mono na, ãma 're asipo're pu'u u'âsi mono wamhã, aima 're rowẽ uptabi mono di za.

Luca 1:79

Tawamhã ab're pipa te, robzei'õ u'âsi, 're wanomro mono õ di za. Te za oto te te 're wa'anhimroi wẽ, rowẽ na 're iwanomro mono zém na.

Roma 5:1

Wanhib'apito Zezu Cristu hã ma tô te te sima 're wa'awẽ, wa te wasina 're i'umnhasi za'ra mono zéb zarina. Tahawa, 'Re ihâimana u'âsi mono hã ma tô te te sima wa'ãma 're aroti, wa te 're isazei pese za'ra mono na, wawasédé hã te te oto wa'ãma 're ab'madâ'â tõ mono da, taha zarina si te te duré 're wa'awẽsãmri mono da, wawasété na 're wanomro mono nherẽ, te te 're wa'ahâ za'ra mono tõ da. Tahawa, rowẽ u'âsi, wa oto ãma 're wanomro, 'Re ihâimana u'âsi mono ãma hã.