Provébiu 3:15 - ꞌRe Ihâimana Uꞌâsi Mono Zadawa Wasuꞌu

¹⁵ Rowaihu iwẽ hã, ẽtẽ waipo iwa'âbâ za'ẽtẽ mono nhipai u hã wẽ uptabi di. Uburé marĩ zô 're irob'ruiwapari mono hã tarére tãma hã, marĩ dai õ wa.

Provébiu 3:15 ပူးပေါင်းရင်းမြစ်များ

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 31:10

Damro iwẽ isõpẽtẽ da hã pire uptabi di! Ta hã, ẽtẽ waipo nhipai u hã wẽ uptabi di!

Provébiu 8:10

Ma'ãpé aima ĩnhimirotizé, ẽtẽ waipo prã prata nhibrob're, asima 're wẽ za'ra wa'aba mono. Duré ĩnhimirowaihu, ẽtẽ waipo pré oru uptabi nhibrob're, asima 're pisutu za'ra wa'aba mono.

Provébiu 8:11

“E marĩ wa. Rowaihu iwẽ hã ẽtẽ'ubuzi waipo nhipai u hã wẽ uptabi di. Uburé marĩ 're i'ruiwapari za'ra wa'aba mono hã tarére õhõ ma hã.

Roma 8:18

Ti'ab ré, wa te 're irobzépata za'ra mono zé hã, taré, 'Re ihâimana u'âsi mono, za iwẽ hã te te wama 're i'apisutu mono zé ma hã. Tô sena, wa tô ãne na waihu'u, wa hã.