Provébiu 3:11 - ꞌRe Ihâimana Uꞌâsi Mono Zadawa Wasuꞌu

¹¹ Ĩ'ra, niwa Uburé Danhib'apito te te 're ai'ahâri mono wamhã, asina 're wẽ'õ mono tõ. Duré te te aima 're nharĩ mono wamhã, aiwi 're robzei'õ mono tõ.

Provébiu 3:11 ပူးပေါင်းရင်းမြစ်များ

Salmu 94:12

Uburé Danhib'apito, 're i'ahâ za'ra mono norĩ si te za rowẽ na to sina 're nomro, asimiroti na ãma tãma 're irowasu'u za'ra mono norĩ hã.

Provébiu 24:10

Ropire hã bâtâ na asô iwatobro zarina, asib'uwa na aihâimana wamhã, te za tô asib'uwa na u'â 're aihâimana mo.

1 Corĩtu 11:32

Tane nherẽ, ti'ab ré te za tô wawasédé hã te te wa'ãma 're i'awaihu'u mono zéb zarina, te te 're wa'ahâ za'ra, 'Re ihâimana u'âsi mono hã. E marĩ wa. Te te 're wa'azawi pese mono wa, taha zarina, apâ wa te ãma 're sasõmri pese za'ra mono da. Nimahã na, uburé isazei'õ'wa norĩ zu, za te te siwi wa'awẽ'õ tõ da, te za tô ãne wa, te te 're wa'ahâ za'ra, ti'ai ãma 're wanomro mono ré.

2 Corĩtu 4:1

'Re ihâimana u'âsi mono hã ma tô tinhimizawi pese zéb zarina wapisutu, isadawa wasu'u na wa te tãma 're romhuri mono da. Tahawa, wawi 're robzei'õ mono ãna, wa tô 're wahâimana u'âsi.

Hebreu 12:3

Ma'ãpé ãma rosa'rata pese za'ra wa'aba, Zezusi hã ti'ab ré te te 're irobzépata mono na hã. Tiwasété si te te 're i'manharĩ za'ra mono norĩ hã te te 're 'ruiwapari za'ra mono wa, te te tãma 're irob'manharĩ wasété za'ra mono zém na, ma tô te te 're robzépata za'ẽtẽ, Zezusi hã. Tane nherẽ, siptete u'âsi ma tô 're hâimana. Tane duré a norĩ wa'wa hã te za marĩ iwasété wi 're asi'madâ'â pese za'ra wa'aba mo, asiptete sina 're aihâimana za'ra wa'aba mono da, aiwi 're robzei'õ za'ra wa'aba mono tõ da. Taha zarina, 'Re ihâimana u'âsi mono hã asina 're i'umnhasi za'ra wa'aba mono zé hã aiwi 're si'utõrĩ za'ra wa'aba mono tõ da, te za tô asiptete sina 're aihâimana za'ra wa'aba mo.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.