Provébiu 29:6 - ꞌRe Ihâimana Uꞌâsi Mono Zadawa Wasuꞌu

⁶ Wasété na 're ihâimana za'ra mono norĩ hã, tiwasété na te za tô tinhitobzé hã te te 're waibu. Tane nherẽ, sena na i'uwaibaba na 're ihâimana za'ra mono norĩ si, te za tô sima iwẽ na tãma rowẽ sina hã 're nomro.

Provébiu 29:6 ပူးပေါင်းရင်းမြစ်များ

Salmu 118:15

Ma'ãpé te te da'ãma ai'uté za'ra wẽ te, sadari sina te te sima iromhu'u za'ra zé wapari za'ra wa'aba, 'Re ihâimana u'âsi mono nhib'a'uwẽ romhâ 'manharĩ na 'ri nhoré ãma isi'ubumro norĩ zadari hã, ãne: “Uburé Danhib'apito nhiptetezé, ma tô da'ãma ai'utézé hã wama sõmri za'ra.

Salmu 132:16

Sasedoti iwa te te 're irob'ma'wamarĩ mono norĩ hã wa za iwẽ hã te tãma 're pisutu za'ra, wẽ na te te 're romhuri za'ra mono da. Tahawa, sena na tame iwa 're idahâimana za'ra mono norĩ te za da te ãma dasima 're romhu'u za'ra, dama irowẽ za'ẽtẽ za'ra zarina.

Ezodu 15:1

Tawamhã Mozési, Izaraéu nhihudu norĩ me, Uburé Danhib'apito ãma hã ma tô tinho're za'ra ãne: Uburé Danhib'apito ma, wa za tãma 're ĩnho're u'âsi. E marĩ wa. Õ hã te te da'ãma ai'uté wẽ dâ'âsina; Õ hã ma tô awaru norĩ hã, duré awaru na isi'wapéi'wa norĩ hã, â u hã sãmra.

Provébiu 10:28

Sena na 're ihâimana za'ra mono norĩ hã iwẽ uptabi zô 're isimipari za'ra mono zéb zarina te za robzei uptabi hã te te sima 're sani za'ra. Tane nherẽ, iwasété norĩ hã te te sima 're irowa'õtõ za'ra mono zé hã marĩ hã te te sima ãma 're sani za'ra mono dai õ di.

Provébiu 12:13

Wasété na 're ihâimana za'ra mono norĩ hã te 'râwi timreme wasété na 're sisitob za'ra. Tane nherẽ, wẽ na i'uwaibaba na si 're ihâimana za'ra mono norĩ si te ropire hawi 're iwairébé mono zém na hã te te 're 'rãiwa'õmo za'ra.

Provébiu 22:5

Iwasété norĩ nhibâdâdi na te 'wabzéré hã sô 're hâimana za'ra, duré abazei mramizé hã. Ni'wa hã ihâimanazé tãma sawi wamhã, te za tãma 're hâiba za'o.

Provébiu 5:22

Marĩ 'manharĩ wasété 'wa norĩ wasétézé hã abaze mramizém ne hã te tãma 're hâimana za'ra. Tiwasété na hã te tô 're sisitob za'ra, abazipara na abaze hã imramizém na da te 're iwaibui mono ne.

Tiagu 1:2

Ĩsisãnawã norĩ, marĩ hã ahâ na asada 're hâimana za'ra wa'aba mono nherẽ, te za atoi u'âsi 're anomro aba mo.

1 Pedru 1:8

A norĩ wa'wa hã atõmo na asiwi 're 'madâ'â za'ra wa'aba mono õ di, Zezu Cristu hã. Tane nherẽ, aima sawi uptabi za'ra wa'aba di, Wanhib'apito hã. Atõmo na asiwi 're 'madâ'â za'ra wa'aba mono õ nherẽ, te Wanhib'apito umnhasi sina 're aihâimana za'ra wa'aba mo. Tahawa, aima 're rowẽ za'ra wa'aba mono wa, te aipẽ'ẽ 're, 're atoi u'âsi za'ra wa'aba mo, ato za'ẽtẽ za'ra wa'aba na. E marĩ wa. 'Re aihâimana wasété za'ra wa'aba mono zém hawi, te te 're asõ'reptu za'ra wa'aba mono wa. Taha da, te Wanhib'apito hã asina 're i'umnhasi za'ra wa'aba mo, te te 're asõ'reptu za'ra wa'aba mono da.

1 Zuwã 1:4

Watoi uptabi zé hã wa te wasima 're sa'ẽtẽ za'ra mono da, wa ãne aima ãma rob'ui'éré za'ra wa'aba ni, ãma 're iwahâimana za'ra mono zéb da na hã.

Zuize 20:41

Tawamhã Izaraéu nhihudu norĩ apâ te te sina siri za'ra wamhã, ma tô Bẽzamihĩ nhihudu norĩ hã tãma tipẽ'ẽwara pese za'ra, za ropire tãma ihâimana za'ra zé hã te te sina waihu'u siromo za'ra wa.