Provébiu 29:5 - ꞌRe Ihâimana Uꞌâsi Mono Zadawa Wasuꞌu

⁵ Ni'wa tisiwaihu'u ma, timreme wazidi na senai'õ na, te te 're robzanhamri mono wamhã, te za 'râwi ãma 're simrami, niha timreme na hã.

Provébiu 29:5 ပူးပေါင်းရင်းမြစ်များ

Salmu 36:2

A'uwẽ iwasédé hã te 'râwi tipire na 're si'madâ'â. Te duré sina te te 're rosa'rata, 'Re ihâimana u'âsi mono, iwasédé te te tiwi i'upsibi mei õ na hã za, duré taha zarina za niha te te tãma irob'manharĩ õ na hã.

Salmu 5:9

Ĩnhitob'ru norĩ nhoto hawi imreme za'ra hã umnhasi õ di, ta norĩ hã da'uprosizém na si te te sima 're rosa'rata u'âsi za'ra mono wa. Isõ're'ré za'ra hã aiwa da'ru sitob ãna 'ridawa haré 're isimi'wara mono ne. Tinhoto na te ta norĩ hã mreme su'u nherẽ, timreme amo na hã te te dama 're robzanhamri za'ra.

Provébiu 1:17

Si mramizé hã si te te 'madâ'â ré, da te sô sasõmri wamhã, marĩ dai õ di. Taré te za da'o.

Provébiu 20:19

Dabâsi zei'wa norĩ hã te za dasi'rep si marĩ dama 're ihâimana za'ra mono na hã te te ãma dawi 're aropé. Tahawa imreme hâ norĩ nhiti romhâ na 're aihâimana mono.

Provébiu 26:28

Ni'wa isadawa nhipe, te te 're ida'a'ruiwapari mono zarina, te za te te ãma 're da'a'u'a, niha na hã. Imreme nhipe hã te za duré tinhimirob'rãmi na ropipa hã te te dazô 're azani.

Provébiu 28:23

Ni'wa, tisiré ma, te te pẽtẽ wamhã, romhutu'õmhã te za ãma rosa'rata wẽ pese, isiré te te tãma ipẽtẽzém na hã. Tane nherẽ, taré tisiré ma mreme su'u nherẽ, te te tãma robzanhamri wamhã, tãma wẽ õ di za oto niwamhã.

Provébiu 7:21

Ãne, pi'õ timreme wazidi hâire na te te pibui wamhã, ma tô oto si'ra.

Provébiu 7:5

Ta norĩ hã te za pi'õ iwasété wi hã, duré imreme wazidi wi hã isiti ai'ãma 're pahâ, romhâ na.

Roma 16:18

Ta norĩ hã Wanhib'apito Cristuhu ma, te te 're romhuri za'ra mono õ di. Te te sima 're iwẽ za'ra mono zéb zarina si, te marĩ iwasétére zô si hã sima 're sõpré. Ta norĩ hã sadawa nhipese nherẽ, te isimiroti hã sena newa da te 're wapari ze za'ra, danhimirosa'rata nhib'uware na 're idahâimana za'ra mono norĩ hã. Mreme wapari zei wa, duré asa imreme hã da te dasima 're wẽ za'ra mono da, te taré timreme amo na te te dama 're rowasu'u za'ra, da'ãma 're wata za'ra mono sina. Tawamhã taha zarina, te za awa'awi imreme na da te 're saze za'ra.

1 Tesalonita 2:5

Ai'rata wahâimana za'ra wa'aba ré, taré wamreme to na ai'ãma wawata za'ra wa'aba õ di. Duré marĩ iwẽ hã wanhimirowahutu wa'rãmi, wama sõmri za'ra wa'aba da, wa te wasina rosa'rata za'ra õ di. Ãne na ma tô wa'ãma iwaihu'u za'ra wa'wa. 'Re ihâimana u'âsi mono ma, waihu'u pese di, ãne na wapẽ'ẽ 're, wanhimirosa'rata za'ra hã.

1 Samuéu 18:23

Tawamhã ãne te te tãma rowasu'u za'ra wa, ma te Dawi hã ãma tãma wa'rãmi za'ra ãne: — E wapu bâ, apito sa'õmo na 're ĩhâimana mono da hã pire di. Wa hã tarére hã, aibâ ĩnhimarĩ ãna 're ĩhâimana mono.