Provébiu 29:3 - ꞌRe Ihâimana Uꞌâsi Mono Zadawa Wasuꞌu

³ Aibâ ti'rãiwaihu'u wẽ te te sima 're isawi mono na, te za timama ma hã te te ãma tãma 're rowẽ zani. Tane nherẽ, ni'wa pi'õi wasété ãma si 're morĩ wamhã, te za tinhimarĩ hã taré pese te te siwi ãma 're a'uprosi.

Provébiu 29:3 ပူးပေါင်းရင်းမြစ်များ

Provébiu 10:1

Da'ra i'rãi waihu'u wẽ, te za tihâimanazém na timama ma hã te te ãma 're rowẽ zani pese. Tane nherẽ, da'ra isimiza'rese'õ niha na 're ihâimana mono hã te za tina wi te te ãma 're robzei'õ zani.

Provébiu 15:20

Da'ra i'rãi waihu'u pe hã te za timama ma, te te ãma tãma 're rowẽ zani. Tane nherẽ, da'ra isimiza'rese'õ hã te za tarére na tina te te 're i'madâ'â mono zarina hã iwazéb õ na 're hâimana.

Provébiu 21:17

Ni'wa te te sima irowẽ da si niha na tihâimanazé ma, 're sisõmri mono wamhã, te za marĩ zô tiwi sô 're ro'wanhi'riti. Ni'wa duré uwa 'rãi wa'u isé, duré dasa iwẽ te te sima 're sawi mono wamhã, niwamhã simarĩ pese na 're ihâimana mono da hã mare di.

Provébiu 21:20

I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 23:15

Ĩ'ra, ai'rãi waihu'u wẽ na 're aihâimana mono wamhã, ĩma hã 're rowẽ uptabi mono di za.

Provébiu 27:11

Ĩ'ra, ai'rãi waihu'u wẽ na hã 're aihâimana mono. Tawamhã ĩma 're rowẽ mono di za. Duré ãhã wamhã, ĩma waihu'u pese di, ĩma ipẽtẽ'wa norĩ ma, niha na iwẽ na te ãma 're i'azada'âbâ mono da hã.

Provébiu 28:19

Ni'wa tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, te za simarĩ õ u'âsi 're hâimana.

Provébiu 28:7

Ai'repudu, 'Re ihâimana u'âsi mono nhimiroti te te 're iwapari pese mono hã, ta hã 'rãiwaihu'u pese di. Tane nherẽ, iwasété uptabi norĩ siré 're imorĩ pe hã te za timama ma rowazé hã te te sina 're sani.

Provébiu 6:26

Pi'õ iwa'âbâ zô 're isisõmri mono wa'â hã, i'u'ẽtẽ wapu wẽ'ẽi wa'âbâ ne hã. Tazahã pi'õ mro ré nherẽ, aibâ te te âri wamhã, te za 'râwi tihâimanazé hã siwi uprosi.

Luca 15:13

Ãhã wamhã, ãma ronomro õ ré, te uburé tinhibro hã sima ubumro, darob amo u morĩ da, ino hã. Darob amoi u wisi wamhã, wasété ahâ na te 're mo. Marĩ na si, ma taré tinhibro hã uprosi, imama te te tãma ipo hã.

Luca 15:30

Ãhã na ai'ra hã ma tô wi. Asibro hã tãma ipo hã ma tô pi'õ na si hã uprosi. Tane nherẽ, ma tô wisi wi, dama i'ru, powawẽ ihâipe hã da te tãma 'maiwĩrĩ da.” Ãne te timama ma tinha, idub'rada hã.