Provébiu 29:25 - ꞌRe Ihâimana Uꞌâsi Mono Zadawa Wasuꞌu

²⁵ Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.

Provébiu 29:25 ပူးပေါင်းရင်းမြစ်များ

Zenezi 20:11

Tawamhã Abra'ã, ma te ãne asa ãma sada'â: — Wa tô rosa'rata aré, ã hã daza'rui 're, 'Re ihâimana u'âsi mono wazé'wa 're da'maihâimana mono õ wa, za ni'wa ĩmro hâiba zô te te ĩwĩrĩ na hã.

Zenezi 20:2

Abra'ã, te Sara tihidiba na dama wasu'u. Tahawa Abimelequi, Gera ãma apito hã ma tô Sara dama ti'ru, isimiromhurizéb u 'ri 'rãihâ u da te itẽme tãma saprõni da.

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Salmu 118:8

Tahawa tô iwẽ, Uburé Danhib'apito da te 're i'umnhasi za'ra mono zé hã, 'râwi dasiré hã da te dasina 're i'umnhasi za'ra mono zém nhipai u.

Salmu 119:117

Ma'ãpé 're ĩ'upari u'âsi mono. Tawapsi wa za ĩsima te 're romnhimimnhasi mono ãna 're ĩhâimana. Wa za duré ĩpo're pese na asimiroti hã te 're 'madâ'â u'âsi.

Salmu 69:29

Wa hã marĩ iwẽ zô 're ĩnhimipari mono ãna, wa te 're robzépata. 'Re ihâimana u'âsi mono, ĩwahutu, duré ĩnho'reptu na!

Salmu 91:1

Ni'wa hã, 'Re ihâimana u'âsi mono danhipai u 're Isãmra mono nhimi'madâ'âzéb zahâpâ 're isãmra mono hã, duré danhipai u Iwaihu'u pese uptabi nhimi'awã zahâpâ sima iwẽ na 're iwa'utu mono hã,

Salmu 91:14

'Re ihâimana u'âsi mono hã te tinha ãne: “Wa hã, te te 're ĩzawi pese za'ra mono norĩ hã wa za te 're anho'reptu u'âsi. Duré ĩnhisi waihu'u wẽ pese 'wa norĩ 'wawib za'ra hã, wa za 're ĩsimapa.

Provébiu 16:20

Ni'wa rotizé te te wapari pese wamhã, te za rowẽzé hã tãma 're hâimana. Duré ni'wa Uburé Danhib'apito te te sina 're i'umnhasi mono hã te za robze na si 're hâimana.

Provébiu 18:10

Uburé Danhib'apito nhisi hã aiwa 'ri 'rãihâ dasimapazé isiptete ne hã te 're hâimana. Taha tẽme te sena na i'uwaibaba na si 're ihâimana za'ra mono norĩ hã 're nomro, sima iwẽ na iwa 're hâimana za'ra mono da hã.

Provébiu 28:25

Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

Provébiu 30:5

“Uburé marĩ na 'Re ihâimana u'âsi mono te te inharĩzé hã tô sena. Õ hã uburé i'wawi 're simapa za'ra mono da, sô 're isõpré mono norĩ ma hã, te ibaihâ zapoto 'manharĩ na dasi'wawi dasimapazém na hã tãma 're hâimana za'ra.

Daniéu 3:28

Tahawa, te apito hârâ 'rãihâ na tinha ãne: — Sadraqui norĩ te, 'Re ihâimana u'âsi mono ãma ma'ãpé wawata za'ra wa'aba! Ta hã ma tô tite hâiwa ãma romhuri'wa hã we satõ. Ma tô duré tinhib'a'uwẽ norĩ sõ'reptu za'ra, te te sina 're i'umnhasi za'ra mono hã. Ta norĩ hã te ĩsima iwẽ te te ĩma ãma uwaimrami za'ra õ di. Taha wa'rãmi ma tô tidâ'â za'ra zép si sima pisutu za'ra, hi'rãtitõ sisimro õ nhowa're're, duré aimawi ihâiba'õ ãma wata za'ra tõ da.

Daniéu 6:23

Tawamhã apito, to za'ẽtẽ uptabi wa, ma tô Daniéu ab're hawi da te dasiwi wazere da, dama ti'ru. Tawamhã da te oto dasiwi wazere wamhã, ma tô 'madâ'â za'ra ni, hu'u zérépa marĩ ihâiba na te te ãma i'manharĩ za'ra õ na hã, 'Re ihâimana u'âsi mono si te te sina 're umnhasi mono wa.

Mateu 10:28

Dahâiba te te dawi 're isimroi mono norĩ ma hã, tãma 're aipahi za'ra wa'aba mono õ di za, dapẽ'ẽzani hã te te dawi 're simroi waihu'u mono dai õ wa. 'Re ihâimana u'âsi mono si te za asima 're ipipa za'ra wa'aba mo. Taha ma si waihu'u pese di, dahâiba hã duré dapẽ'ẽzani zama, te te dawi 're i'a'uprosi mono zéb da hã.

Mateu 15:12

Tawamhã isiré 're inomro mono norĩ, ma tô Zezusihi u hã itẽme ubumro, te te ãma siwi sadanharĩ da, ãne: — E ma tô asina iwaihu'u za'ra. Farizeu norĩ hã ma tô siwi aimreme wẽ'õ pese.

Luca 12:4

— Ĩsiwadi norĩ, tô sena wa za aima rowasu'u za'ra wa'wa. Da te 're ai'uprosi aba mono da nherẽ, asima 're dapipa za'ra wa'aba mono õ di za, da te 're ai'uprosi aba mono pari, niha da te oto aima 're rob'manharĩ waihu'u za'ra wa'aba mono dai õ wa. Aipãrĩ'wa norĩ hã ropipa u, te te 're asãmra waihu'u aba mono õ di za oto. 'Re ihâimana u'âsi mono ma si, waihu'u pese di, ropipa u dawabzurizé hã. Tahawa, taha si te za tô 're ipipa za'ra wa'aba mo.

Zuwã 3:2

Ta hã ma tô Zezusihi u wi, bara na. Itẽme wisi wamhã, te ãne tãma tinha: — Rowahutu'wa, wa tô wasiwi aiwaihu'u ni, 'Re ihâimana u'âsi mono we watẽme te te i'asatõrĩ na, wama 're rowasu'u mono da. Ni'wa ãne hã te te 'manharĩ waihu'u õ di marĩ isa'rese'õ hã, 'Re ihâimana u'âsi mono, isiré hâimana õ nherẽ. Taha zadawa para, ma tô marĩ hã dama i'manharĩ waihu'u'õ hã dama 're i'ab'manharĩ wẽ u'âsi mo, da te ãma aiwaihu'u za'ra da, we te te i'asatõrĩ na.

Zuwã 9:22

Ãne ma tô imama hã ina me tãma nharĩ za'ra. E marĩ wa. Dama ipire norĩ mreme pipa te. Ãne ma tô da'ãma sima hã te te 're roti za'ra: “Ni'wam norĩ hã Zezusi, Danho'reptui'wa da, 'Re ihâimana u'âsi mono te te ipisutu na te te saze za'ra wamhã, wa za wa te tiwi 're rosawi za'ra, rowahutuzéb u dame 're sisisi tõ mono da.” Ãne na ma tô te te sima 're roti za'ra.

1 Pedru 1:21

Cristu hã dâ'â uptabi nherẽ, ma tô ab're hawi hâiwa'utu, 'Re ihâimana u'âsi mono hã, rowẽ uptabi te te tãma pisutu da, hâiwa ãma. Ãhã wasu'u hã aima waihu'u pese za'ra wa'aba wa, te oto õhõ si asina 're i'umnhasi za'ra wa'aba mo, te te dama iropisutuzé hã te te aima ãma uwaimrami za'ra wa'aba da.

Zuize 16:11

Tawamhã Sãsã, ma te duré ãne ãma sada'â asa: — Wedenhorõ isõrõ té zahadu marĩ hã da te ãma iwasisi õ na da te ĩwasisi mono wamhã, wa hã za ĩnhib'uware di, uburé aibâ norĩ ma, isiptede 're ihâimana za'ra mono ne hã.

1 Samuéu 15:24

Tawamhã Sau ma tô ãma tãma wa'rã ãne: — Wa tô ĩwasédé hã 'manha tô. 'Re ihâimana u'âsi mono Wanhib'apito nhimiroti hã te wapari õ di, a hã duré ĩma iwaihu'uzéb zama te wapari õ di. Izaraéu nhihudu norĩ ma hã wa tô ĩpahi. Tahawa, wa tô 'manha, te te sima iwẽ za'ra zé hã.

1 Samuéu 21:13

Tahawa, uburé idahâimana za'ra norĩ nho're, ma tô i'rã siwamnarĩ ne tihâiba. Tawamhã duré te te siwi tété da, te te siwi âri pibui wamhã, ma tô i'rãsiwamnarĩ ne tihâimana. 'Ridawa za'ẽne hã 'ri'ahâ u 're idanhisisi mono zé hã ma te te wabza. Isada'u tiwi watobro wa, ma duré ãma siwatasu upto.

1 Samuéu 27:1

Tawamhã te Dawi hã ãne sima rosa'rata: — Nimahã bâtâ na Sau hã te za ĩwi. Tahawa, ĩma wẽ di za ĩmorĩ da hã, ĩsimani da, filisteu norĩ nhipti'ai u. Tawamhã te za Sau hã taré ĩzô 're rĩtĩ, uburé Izaraéu nhihudu norĩ nhipti'ai mono na hã. Ãne wamhã, wa za ĩsima iwẽ na nhamra, te ĩsima romnhimimnhasi ãna.

1 Samuéu 27:11

Tawamhã Dawi hã uburé pese ma tô te te a'uprosi aibâ norĩ hã pi'õ norĩ zama, ni'wa hã apâ Gati u hã wisi tõ da, tite aibâ norĩ me marĩ te te i'manharĩ za'ra zém na dama ipire ma te te i'mairowasu'u da hã. Ãne Dawi hã, ma tô filisteu norĩ siré 're hâimana mono ré hã te te 're 'manharĩ.