Provébiu 29:22 - ꞌRe Ihâimana Uꞌâsi Mono Zadawa Wasuꞌu

²² I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Provébiu 29:22 ပူးပေါင်းရင်းမြစ်များ

Zenezi 49:7

Isiti'ru zahuré zé ma, 'Re ihâimana u'âsi mono, iwẽ'õ te te ipisutu da si, wa ĩsima wẽ, ta hã dapãrĩzé wa. Wa hã wa za Izaraéu nhipti'a na ãma ĩsipo'o, isihudu zahuré hã te ãma ropéi mono da, te te sina dahâiba tob za'ra wa, isisãnawã nhihudu norĩ siré siwa'ru 're hâimana za'ra mono da.

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 14:17

Ni'wa i'rãi wa'ro su hã te tô marĩ iwẽ'õ hã te te 're ab'manharĩ, isimiza'rese'õ zarina. Tane nherẽ, te 'rã nhimiza'rese na 're ihâimana za'ra mono norĩ hã atãma na 're hâimana za'ra.

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 17:19

Ni'wa damreme na dasi'wapé te te sima 're isawi mono hã, te tiwasété si te te sima 're sawi. Duré 're isi'madâ'â ze za'ra mono norĩ hã te 'râwi timorĩ nhiptõzé hã te te sina 're uwaimrami za'ra.

Provébiu 22:24

Ihâimana wa'ro su'u siré hã 're aihâimana mono tõ.

Provébiu 26:21

Wedepro hawimhã te pré'a hã 're hâimana. Duré mimi hawimhã te uzâ hã 're hâimana. Tane te duré isi'wapé zei hawimhã dasi'wapé hã 're sãna'rata.

Provébiu 27:17

Isi'uwazi tete na ro'wa, 're isi'wa si'uiwa za'ra mono ne, te dasiré norĩ me hã rosa'rata wẽ na 're dasipawaptob si'uiwa za'ra.

Provébiu 29:21

Dama romhuri'wa ai'uté na hâimana ré ihâ'â zarina marĩ zô 're isiti'ru mono, siwa'ru marĩ da te tãma 're i'manharĩ wẽ u'âsi mono hã te za nimahã na hã sima wẽ, uburé marĩ tede'wa na oto 're hâimana mono da.

Provébiu 30:33

Powawẽ hâiwa'u, da te 're iwasi za'ra mono hawimhã te i'u'ẽtẽ wapu uptobzé hã 're hâimana. Duré danhisi're wi da te 're idahâ za'ra mono zarina, te dawapru hã dawi 're pu'u za'ra. Tane duré 're dasisahi zani za'ra mono zarina, te dasi'wapé hã 're poto.

Tiagu 3:16

Marĩ na da te 're da'ruiwapari za'ra mono wamhã, duré marĩ iwẽ zô dasima si 're danhopré mono wamhã, rowẽ hã dama 're hâimana za'ra mono õ di za. Te za dasiwi da te 're ro'wa'rutu za'ra. Te za duré 're dahâimana wasété za'ra.