Provébiu 29:2 - ꞌRe Ihâimana Uꞌâsi Mono Zadawa Wasuꞌu

² Sena na i'uwaibaba na si 're ihâimana za'ra mono norĩ, 're si'i'rãnho'õmo za'ra mono wamhã, te za da te ãma dasima 're rowẽ za'ra. Tane nherẽ, iwasété norĩ 're si'i'rãnho'õmo za'ra mono wamhã, te za iwẽ'õ te 're dasiwapsari za'ra.

Provébiu 29:2 ပူးပေါင်းရင်းမြစ်များ

Provébiu 11:10

Sena na 're ihâimana za'ra mono norĩ ma, iwẽ si tãma 're hâimana za'ra mono wamhã, te za 'ri nho'õmo 're, 're idahâimana za'ra mono norĩ hã da te ãma dasima 're rowẽ za'ra. Tane nherẽ, iwasété norĩ 're dâ'â za'ra mono wamhã, te za rowẽ te hã 're dazadari za'ra.

Provébiu 28:12

Iwẽ norĩ hã tipire na tihâimanazé te te oto sina sõ'õtõ wamhã, uburé te za dasima romhu'u za'ra ni isabâdâ. Tane nherẽ, iwasété norĩ ipire na ihâimanazéb u oto waptã'ã wamhã, te za dapahi te tãma aima'uri za'ra ni.

Provébiu 28:15

Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

Provébiu 28:28

Iwasété norĩ ipire na ihâimanazéb u oto sarõtõ wamhã, te za dapahi te hã tãma aima'uri za'ra ni. Duré nimahã na apâ te te sina 're ti'awi za'ra mono wamhã, te za sena na 're idahâimana za'ra mono 'rã hã te te sina 're hâimo, iwa'rãmimhã.

Mateu 2:16

Tawamhã apito Erodi aibâ norĩ, bâtâ pusizém hawi we isi'aba'ré norĩ pi'uriwi tiwi isi'aba'ré na te te ãma rowaihu'u za'ra wa, ma tô ab'rui pese. Sib'rui wa, tãma da'wapéi'wa norĩ hã ma tô satõrĩ za'ra Belẽ u, 'watébrémi zô si'aba'ré da, uburé te te dawi uprosi mono da, maparane ãma iwahu mono õ hã, Belẽ ãma 're idahâimana za'ra mono norĩ 'ra hã, duré Belẽ 'rata 're idahâimana za'ra mono norĩ 'ra zama. Aibâ norĩ hã wasi te te i'madâ'â za'ra zém na te te tãma iwaihu'u za'ra zéb zarina, ma tô apito Erodi hã ãne 'manha.

Mateu 2:3

Tawamhã apito Erodi ãne te te wapari wamhã, hâtâ'â uptabi di. Duré uburé Zeruzalẽ ãma 're idasi'ubumroi mono norĩ zama isu hâtâ'â za'ra di.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.