Provébiu 29:15 - ꞌRe Ihâimana Uꞌâsi Mono Zadawa Wasuꞌu

¹⁵ Da'ra da te 're ihâ za'ra mono zéb zarina, te za i'rãiwaihu'u wẽ hã da te tãma 're sõmri za'ra. Tane nherẽ, ai'uté ahâri ãna, sihawim na marĩ sima iwẽ na, siwa'ru te te 're i'manharĩ mono zarina, te za tina wi hã te te ãma 're rowazéb zani.

Provébiu 29:15 ပူးပေါင်းရင်းမြစ်များ

Provébiu 10:1

Da'ra i'rãi waihu'u wẽ, te za tihâimanazém na timama ma hã te te ãma 're rowẽ zani pese. Tane nherẽ, da'ra isimiza'rese'õ niha na 're ihâimana mono hã te za tina wi te te ãma 're robzei'õ zani.

Provébiu 10:5

I'rã waihu'u wẽ norĩ hã te za amnho itehârizé bâtâ uwaibaba na te te 're roptehâri za'ra. Tane nherẽ, ni'wa roptehârizé bâtâ na 're isõtõ mono hã, te za rowazém na 're ihâimana mono zé hã te te sima 're sani 'râwi.

Provébiu 13:24

Ni'wa, ti'ra te te 're ahâri mono õ wamhã, tãma isawi'õzé hã te wasu'u. Duré ni'wa ti'ra te te 're sawi pese mono wamhã, te za tô simiza'rese prãi wi zahadu ré te te 're ahâri.

Provébiu 17:21

Da'ra isimiza'rese'õ te za timama ma, robzei'õzép si, duré robzépatazép si te te 're sõmri.

Provébiu 17:25

Da'ra isimiza'rese'õ te za timama ma robzei'õ hã te te sina tãma 're sõmri. Duré tina ma, te za rosa'ratazé hã te te sina tãma 're sani.

Provébiu 19:18

Ai'ra norĩ hã zahadu prédub õ ré, te za tãma 're iropipa za'ra wa'aba mo. Ãnei õ wamhã, te za tihâimanazé hã te te siwi 're uprosi za'ra, 'râwi.

Provébiu 22:15

Ai'uté norĩ iharé na te tô simiza'rese ãna marĩ hã te te 're 'manharĩ za'ra. Tane nherẽ, i'ahâri zarina te za tinhimiza'rese wẽ zé hã te te 're waihu'u za'ra.

Provébiu 22:6

Ai'uté hâimana prédum na 're ihâimana mono zéb da hã, tãma 're roti pese mono. Tawamhã tãma simirẽme ãna te za ãma 're mo, tihâimanazéb 'rãsutu u.

Provébiu 29:17

Ai'ra norĩ ma, te za 're iropipa za'ra mo. Ãne wamhã, te za rowẽ hã te te aima sina 're sõmri za'ra, duré aipẽ'ẽ 're aima 're irobzei mono zéb zama hã.

Provébiu 29:21

Dama romhuri'wa ai'uté na hâimana ré ihâ'â zarina marĩ zô 're isiti'ru mono, siwa'ru marĩ da te tãma 're i'manharĩ wẽ u'âsi mono hã te za nimahã na hã sima wẽ, uburé marĩ tede'wa na oto 're hâimana mono da.