Provébiu 29:14 - ꞌRe Ihâimana Uꞌâsi Mono Zadawa Wasuꞌu

¹⁴ Dama ipire hã isimarĩ'õ ma, i'uwaibaba na si te te tãma 're rowairébé za'ra mono wamhã, te za i'rãnho'õmo na dama 're hâimana hâ za'ra.

Provébiu 29:14 ပူးပေါင်းရင်းမြစ်များ

Salmu 89:2

Wa hã ĩma waihu'u pese di, asimizawizé õne u'â 're ihâimana mono na hã. Duré ai'umnhasizé, hâiwa ne õne u'â 're isa'wari mono zém na hã.

Provébiu 16:12

Apito norĩ ma, iwasédé da te 're i'manharĩ za'ra mono zé hã tãma 'ru ti. E marĩ wa. I'uwaibaba na si te te 're ida'a'madâ'â mono zé u'âbâ hã siptete na 're hâimana mono wa.

Provébiu 20:28

Dama i'rãnho'õmo nhimizawizém na 're ihâimana mono zé hã duré dama i'umnhasizém na 're ihâimana mono zé hã te za te te 're siptete, tinhimi'madâ'âzém na te te ãma uzusi da hã.

Provébiu 25:5

Tane duré, apito hawi iwasété norĩ da te 're sani za'ra mono wamhã, te za sena na i'uwaibaba na si te te 're ida'a'madâ'â mono zéb zarina, siptete na hã 're hâimana.

Provébiu 28:16

Dama i'rã nho'u isimiza'rese'õ hã te za da'ãma siwamri ãna te te 're dawati pese za'ra. Tane nherẽ, ni'wa senai õ na 're idahâimana za'ra mono zéb zarina, 're idasisibro pese za'ra mono zé tãma i'ru si te za dama i'rãnho'õmo na hã ãma 're hâimana hâ.

Provébiu 29:4

Sena na apito dama 're hâimana za'ra mono wamhã, te za ti'ai wa'õtõ nho'õmo 're, 're idahâimana za'ra mono hã siptete na 're hâimana za'ra. Tane nherẽ, dama i'rãnho'u dapawa'âbâzé sipo'ore da te tãma 're sõmri za'ra mono da, te te ãma dawi 're hâimo uptabi mono wamhã, te za tinhimi'madâ'â norĩ hã ti'ai 'remhã siwi uprosi.

Daniéu 4:27

Tahawa apito, ma'ãpé ĩnhimirotizé hã asina saze na. Duré ma'ãpé rẽme, 're aiwasété mono zé hã, i'uwaibaba si oto marĩ hã 're ab'manharĩ mono da. Duré ma'ãpé sazâri, aiwasédé hã. Duré ma'ãpé isimarĩ'õ norĩ ãma 're aiwamri mono. Ãne wapsi, te za ãté rowẽ na 're i'aihâimana mono zém na hã ãma 're i'uzusi mo.