Provébiu 29:10 - ꞌRe Ihâimana Uꞌâsi Mono Zadawa Wasuꞌu

¹⁰ Dapãrĩ'wa norĩ hã te sena na 're ihâimana za'ra mono norĩ zada 're siti'ru wairébé. Tane nherẽ, te iwẽ norĩ hã i'wawimhã 're simapa za'ra.

Provébiu 29:10 ပူးပေါင်းရင်းမြစ်များ

Provébiu 13:19

Marĩ hã da te dasima 're iwẽ zahi za'ra mono, da te oto 're uwaimrami za'ra mono wamhã, wẽ uptabi di. Tane nherẽ, isimiza'rese'õ norĩ hã marĩ iwasédé te te 're irẽme za'ra mono da hã tãma wẽ'õ uptabi za'ra di.

Provébiu 29:27

Wẽ na 're ihâimana za'ra mono hã te senai'õ na 're ihâimana za'ra mono hã te te siwi 're wẽ'õ pese za'ra. Duré wasété na 're ihâimana za'ra mono hã te wẽ na 're ihâimana za'ra mono hã asa te te siwi 're wẽ'õ pese za'ra, aiwab da.

Provébiu 29:9

Aibâ isimiza'rese wẽ, isimiza'rese'õ da hâimana da, dama rowairébézéb u morĩ wamhã, te za isimiza'rese'õ hã taré nasi ãma wasété. Te za duré nasi sahi sina robzanha. Tawamhã ro'wa'rutu uptabi di za.

Luca 23:34

Tawamhã Zezusi hã te Timama ma tinha, ãne: — Ĩmama, da'ãma 'madâ'â õ di za, da te ĩma i'manharĩ wasété za'ra zé hã. Da te dasiwi ĩwaihu'u ãna, ma tô ĩma 'manharĩ wasété za'ra ni. Tawamhã ẽtẽ zapotore i'ui'éré ré hã ma tô nasi sima sãmra, Zezusihi uzazéb zô. Taha zarina, ma tô sima ãma aipé.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:60

Tawamhã hi'rãtitõ ma tô nhamra, Estewã hã. Mreme 'rãihâ na ma tô duré tãma mre, ãne: — Wanhib'apito, tiwasédé te te ĩ'ãma 'manharĩ za'ra nherẽ, tãma pisutu za'ra õ di za, rowasédé hã. Tawamhã ãne na mreme pari, ma tô oto dârâ, Estewã hã.

Roma 10:1

Ĩsisãnawã norĩ, 'Re ihâimana u'âsi mono te te 're ida'anho'reptui mono zé hã, uburé ĩsiré zudeu norĩ hã te te sina tãma 're uwaimrami za'ra mono da, wa tô ĩsima wẽ uptabi za'ra. Taha da, wa ta norĩ ãma 're ĩmreme u'âsi za'ra, 'Re ihâimana u'âsi mono ma.

1 Samuéu 15:11

— Sau hã, ma tô ĩrẽ. Duré te tãma iwaihu'uzé hã ma tô ĩmreme rẽ. Tahawa, ma tô ĩwi tirobzei'õ wa hã apito te te i'manharĩzé zabâdâmhã. Tawamhã ãne te te tãma waihu'u wa, ma tô Samuéu wi hã tirobzei'õ duré. Tahawa, mara bâre ma tô mreme 'rãihâ na Sauhu ãma hã mre, Uburé Danhib'apito ma.