Provébiu 28:25 - ꞌRe Ihâimana Uꞌâsi Mono Zadawa Wasuꞌu

²⁵ Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

Provébiu 28:25 ပူးပေါင်းရင်းမြစ်များ

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 10:3

Uburé Danhib'apito, wẽ na 're ihâimana za'ra mono norĩ hã, mra te te 're sépata za'ra mono da, te te 're i'a'madâ'â rẽme mono da hã, mare di. Tane nherẽ, te za wasété na 're inomro mono norĩ wi, marĩ te te sima 're iwẽ uptabi za'ra mono hã te te tiwi 're anhito.

Provébiu 11:25

Ni'wa hã dama 're sõpru mono wamhã, te za 're sisibro pese. Duré ni'wa te te 're da'apawapto mono wamhã, te za da te dasiwi 're pawapto.

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 15:18

I'rãi wa'ro su'u norĩ hã te za damreme na dasi'wapé hã te te 're poto za'ra. Tane nherẽ, atãma na 're ihâimana za'ra mono hã te za atãma na te te 're da'rãiwahâ za'ra.

Provébiu 15:27

Ni'wa senai õ na 're ihâimana mono zéb zarina, marĩ zô si sima 're rĩtĩ mono wamhã, te za ropire hã isõrõwa 're, 're ihâimana za'ra mono norĩ ma hã te te 're azani. Tane nherẽ, ni'wa dama rowairébézéb da, dama ipire norĩ ma, pi'uriwi danhibzari te te siwi 're awẽ'õ mono wapsi, te za tô rowẽ na hã 're hâimana hâ.

Provébiu 15:30

Ni'wa ubu toi u'âsi na da te 'madâ'â wamhã, te za dapẽ'ẽ 'remhã ãma dama rowẽ waze. Duré rowasu'u wẽ hã da te wapari za'ra wamhã, dama rowẽ za'ra di.

Provébiu 21:24

'Re isi'madâ'â ze mono waptẽrẽzé hã, da'ãma 're iwa'ẽi mono na. Ta hã te simiwazéb õ na 'râwi 're si'madâ'â zei u'âsi.

Provébiu 22:10

Da'ãma iwa'ẽ ze, õne haré satõrĩ wamhã, te za damreme na dasi'ahâri hã ai'utõ, duré dasisada dazahi zarina da te dasi'ãma 're iwasété za'ra mono zé hã.

Provébiu 29:22

I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Provébiu 29:25

Simimnhasi uptabi di, 'râwi dasima 're idapahi za'ra mono zé hã. Tane nherẽ, ni'wa 'Re ihâimana u'âsi mono si te te sina 're umnhasi mono wamhã, te za sima iwẽ na 're hâimana, tãma romnhimimnhasi ãna.

1 Timotiu 6:6

'Re ihâimana u'âsi mono nhimiroti 'madâ'â'wa, 're wanomro mono wamhã, duré marĩ zô si wasima 're wanhopré mono ãna 're wanomro mono wamhã, wama 're rowẽ uptabi za'ra mono di za.