Provébiu 28:23 - ꞌRe Ihâimana Uꞌâsi Mono Zadawa Wasuꞌu

²³ Ni'wa, tisiré ma, te te pẽtẽ wamhã, romhutu'õmhã te za ãma rosa'rata wẽ pese, isiré te te tãma ipẽtẽzém na hã. Tane nherẽ, taré tisiré ma mreme su'u nherẽ, te te tãma robzanhamri wamhã, tãma wẽ õ di za oto niwamhã.

Provébiu 28:23 ပူးပေါင်းရင်းမြစ်များ

Provébiu 24:25

Tane nherẽ, marĩ na i'upai'wa norĩ ma, i'uwaibaba na niha na te te tãma pisutu za'ra wamhã, te za rowẽzé hã tãma 're hâimana za'ra.

Provébiu 29:5

Ni'wa tisiwaihu'u ma, timreme wazidi na senai'õ na, te te 're robzanhamri mono wamhã, te za 'râwi ãma 're simrami, niha timreme na hã.

Mateu 18:15

— Asisãnawã, asiré isazei'wa nherẽ, asada 're wasété za'ra wa'aba mono wamhã, te za aihâiba pisutu itẽmemhã 're anomro aba mo, asada 're iwasété za'ra wa'aba mono zém na tãma asina 're rowaihu'u za'ra wa'aba mono da. Tawamhã tãma 're asiwaihu'u za'ra wa'aba mono zé hã te te 're wapari za'ra mono wamhã, te za apâ asina 're asisãnawã za'ra wa'aba mo.

Galata 2:11

Tawamhã Ãtioquia ãma ĩnhamra ré, ma tô Pedru hã ãma ĩzarina wi. Tawamhã zudeu'õ norĩ ãma tinhimirosa'rata na te te upai wa, wa tô danho'a tãma rowaihu'u. Ãne tinhimirosa'rata na te te i'upazé hã. Ãtioquia u wisi wamhã, ma tô aré zudeu'õ norĩ me 're sa, Wanhib'apito zazei'wa norĩ me hã. Tawamhã isarina si ma duré aibâ norĩ hã aihutu, Tiaguhu hawimhã. Ta norĩ hã ma tô te te sima 're wẽ za'ra, Wanhib'apito zazei'wa norĩ zudeu'õ hã, sihâiwata nhihâri ré si 're nomro mono da, tawapsi sizudeu za'ra na 're hâimana za'ra mono da. Tawamhã zudeu'õ norĩ hã, Wanhib'apito zazei'wa oto wasiré 're wahâimana za'ra mono nherẽ, ma tô Pedru hã tiwi sisawi za'ra, oto dasiré 're sa tõ mono da. E marĩ wa. Zudeu'õ norĩ siré 're sai u'âsi mono wa, te te siwi wẽ'õ za'ra õ'umnhasite, we isihutu norĩ hã.