Provébiu 28:22 - ꞌRe Ihâimana Uꞌâsi Mono Zadawa Wasuꞌu

²² Isõti hã te waptu na 're isisimarĩ pese za'ra mono da si, tinhimarĩ zô sima 're sõpré. Tane nherẽ, sisõwamhã te te rob'madâ'â waihu'u õ di, za isimarĩ'õzé bâdâ ipire, sô iwisizé hã.

Provébiu 28:22 ပူးပေါင်းရင်းမြစ်များ

Zenezi 19:17

Tawamhã 'ri nho'õmo hawi te te oto sani za'ra wamhã, te ãne nima hã hâiwa ãma romhuri'wa tãma tinha, Loho ma: — Ma'ãpé aiwara sina si aiwara, asisõ'reptu da! Asiwa'rãmi hã we rob'madâ'â tõ. Romharé rowa'wa 're ihâimana mono ãma hã asimizazâri tõ. Ẽtẽ u si ãma aiwara waré na. Tamomo aiwara õ wamhã, te za atâ.

Provébiu 21:5

Ni'wa atãma na marĩ na te te sima ãma 're irowa'õtõ wẽ mono hã te za marĩ si'utõrĩ ãna sa'ẽtẽ na sa 're simi'wara. Duré ni'wa waptu na sa'ẽtẽ te te sima ãma 're irowa'õtõ mono hã te za marĩ zô tiwi sô 're rowaptâ'â.

Provébiu 22:16

Ni'wa, isimarĩ'õ norĩ te te 're iwati pese za'ra mono zarina, 're sisimarĩ pese mono wamhã, niha wamhã, isibro pese norĩ ma, taré ro te te tãma 're sõmri za'ra mono wamhã, te za 're sisimarĩ õ pese za'ra.

Provébiu 23:6

Aibâ isõti nhorõwa ãma hã 're asai mono tõ. Tô'ã! Duré dasa iwẽ te te aima i'a'âri hã waptu na sa'ẽtẽ hã 'rẽne tõ.

Provébiu 28:20

Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

Mateu 20:15

Te ĩsima iwẽzéb zarina, ĩte rob'uiprazém na te da'apawa'âbâ wamhã, e ĩwasédé wa tô 'manha. Mare di. Ĩwasédé hã te 'manharĩ õ di. Ãté taré dama ĩnhopru wa, ma tô ĩzada asahi, bâtâ bâ te te ĩma romhuri za'ra õ nherẽ, bâtâ na dapawa'âbâzém na te pawa'âbâ za'ra 'ru te.” Ãne ma tô buru tede'wa hã tãma siwaihu'u, tãma iromhuri'wai ma.

1 Timotiu 6:9

Rob'uiprazéb zô, da te dasima 're rosa'rata siwamnarĩ u'âsi za'ra mono wamhã, ãté te za da te 're wapari za'ra, rob'uiprazém na wa'uburé te te dama 're i'aroti wasété mono zé hã. Ãne wamhã, ãté isimiroti hã da te 're rẽme waihu'u za'ra mono õ di za tô oto. Ãté rosa'rata ãna te za isimiroti zarina, marĩ zô si oto da te 're rob'ruiwapari za'ra, marĩ wasété zô zama. Ãne wamhã, te za oto dawi 're robzei'õ pese za'ra. Rowẽ u'âsi 're idanomro mono zé hã duré oto dama 're hâimana za'ra mono õ di za.