Provébiu 28:13 - ꞌRe Ihâimana Uꞌâsi Mono Zadawa Wasuꞌu

¹³ Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

Provébiu 28:13 ပူးပေါင်းရင်းမြစ်များ

Zenezi 4:9

Tawamhã Uburé Danhib'apito, nimahã na te Caĩ hã sadanha ãne: — E mahãta asisãnawã Abéu. — Me! Wa hã te waihu'u õ di. E wa hã ĩsisãnawã 'madâ'â'wa pâ. — Ãne Caĩ ma te asa ãma sada'â.

Esdra 10:11

Tahawa, ma'ãpé ãhã na, Uburé Danhib'apito, aihi'rata norĩ te, 'Re ihâimana u'âsi mono ma, aiwasété aba na tãma asiwẽ'õ za'ra wa'aba. Duré tãma iwẽ hã ma'ãpé 're 'manharĩ za'ra wa'aba mono. Ma'ãpé duré wasiré a'uwẽ'õ wanhipti'ai 're, 're ihâimana za'ra mono ma, 're asa'o hâ za'ra wa'aba mono. Duré ma'ãpé asiré a'uwẽ'õ sipi'õ na ãma 're i'aimro za'ra wa'aba mono hã satõrĩ za'ra wa'aba, si'aba'ré da oto aihawib za'ra wa'aba.

Esdra 10:2

Tawamhã Zei'éhé 'ra, Secaniasi, Elãhã hawi a'uwẽ hã te Esdraha ma tinha ãne: — Wa norĩ 'Re ihâimana u'âsi mono wi, wa tô wawasété za'ra ni, wasiré a'uwẽ'õ norĩ wasété na 're ihâimana za'ra mono sipi'õ na 're iwamro za'ra mono hã. Tane nherẽ, te zahadu Izaraéu nhihudu norĩ, marĩ iwẽ zô sima 're isõpré mono zé hã tãma 're hâimana za'ra.

Neemia 9:2

Izaraéu nhihudu norĩ na 're ihâimana za'ra mono norĩ hã ma tô uburé tisiré a'uwẽ'õ norĩ nhiti sisani za'ra. Tawamhã tite mono bâ tisi'ubumrozém hawi para na oto hâiwi simasa wamhã, ma tô tiwasété na hã duré tihi'rata norĩ wasété na hã siwẽ'õ za'ra.

Salmu 51:10

'Re ihâimana u'âsi mono, ma'ãpé ĩpẽ ĩpe hã sena uptabi hã ĩma sõmri. Ma'ãpé ipẽ'ẽ 're ĩnhiptede ité hã apâ ĩma sõmri.

Provébiu 10:12

Danhiti'ru hã te za dasisada dahâimana wasété zé hã te te dazada 're sani za'ra. Tane nherẽ, danhimizawizé hã te za dawasédé da te 're i'manharĩ za'ra mono zé hã te te 're azuwa, te te da'ãma 're i'a'madâ'â mono õ zarina.

Provébiu 17:9

Ni'wa hã dawasédé da te tãma 're i'manharĩ mono zé te te da'ãma 're 'madâ'â mono õ wamhã, isimizawizé tãma 're ihâimana mono zém na hã te za dama sihâi'ré. Tane nherẽ, duré ni'wa dawasété na te te 're rosa'rata u'âsi mono wamhã, te za sina 're siwãnhizari zahuré.

Daniéu 4:27

Tahawa apito, ma'ãpé ĩnhimirotizé hã asina saze na. Duré ma'ãpé rẽme, 're aiwasété mono zé hã, i'uwaibaba si oto marĩ hã 're ab'manharĩ mono da. Duré ma'ãpé sazâri, aiwasédé hã. Duré ma'ãpé isimarĩ'õ norĩ ãma 're aiwamri mono. Ãne wapsi, te za ãté rowẽ na 're i'aihâimana mono zém na hã ãma 're i'uzusi mo.

Zona 3:10

Tawamhã 'Re ihâimana u'âsi mono hã ma tô 'madâ, marĩ te te i'manharĩ za'ra zé hã, duré tinhibâdâdi iwasédé hã te te irẽme za'ra zéb zama. Tahawa, ma tô tinhimirosa'rata na ãma saprĩ, te te tãma rob'manharĩ za'ra tõ da oto, 'ri nho'õmo 're, 're ihâimana za'ra mono norĩ ma hã, te te aré nharĩ nherẽ, te te da'uprosi da hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:20

Damascu ãma uimrehẽne wa tô Zezusihi zadawa wasu'u na hã dama ãma sãna'rata. Taha parip si, Zeruzalẽ ãma wa tô duré dama ãma rowasu'u. Taha parip si, wa tô duré Zudéa ãma dama sadawa wasu'u, zudeu norĩ ma, zudeu'õ norĩ ma zama. Ta norĩ hã tiwasédé hã te te 're rẽme za'ra mono da, duré 'Re ihâimana u'âsi mono niwĩ 're nomro wẽ mono da, wa tô te tãma ãma 're rowasu'u za'ra, tô sena tiwasété wi 're isipizari za'ra mono na, da te 're waihu'u za'ra mono da.

Zuize 10:15

Tawamhã Izaraéu nhihudu norĩ, ma duré ãne ãma tãma wa'rãmi za'ra: — Tô sena, wa norĩ hã wa tô wawasété za'ra ni tô. Tahawa ma'ãpé asima iwẽzéb zarina, niha na wama rob'manharĩ za'ra na. Tane nherẽ, ma'ãpé wazawi na hã ãhã na wanho'reptu za'ra na.

1 Samuéu 15:13

Tawamhã Samuéu ma tô Sau hã sõpẽtẽ. Tahawa, Sau hã te te sawi sina, te Samuéu ma tãma tinha ãne: — Samuéu, wa ĩsima wẽ Wanhib'apito 'Re ihâimana u'âsi mono si iwẽ hã te te aima 're sõmri mono da! Wa hã wa tô Wanhib'apito nhimiroti hã te 're wapari pese u'âsi.

1 Samuéu 15:24

Tawamhã Sau ma tô ãma tãma wa'rã ãne: — Wa tô ĩwasédé hã 'manha tô. 'Re ihâimana u'âsi mono Wanhib'apito nhimiroti hã te wapari õ di, a hã duré ĩma iwaihu'uzéb zama te wapari õ di. Izaraéu nhihudu norĩ ma hã wa tô ĩpahi. Tahawa, wa tô 'manha, te te sima iwẽ za'ra zé hã.

1 Samuéu 15:30

Tawamhã Sau timreme na hã ma tô duré ãma sahu ãne: — Wa hã wa tô ĩwasédé hã 'manha. Tane nherẽ, ma'ãpé ĩwazé na za, uburé danhib'ihâ'a norĩ nho'remhã, duré uburé Izaraéu nhihudu norĩ nho'remhã. Apâ ãma ĩsiré aimorĩ, Asib'apito 'Re ihâimana u'âsi mono ãma, ãma ĩwata da.