Provébiu 28:12 - ꞌRe Ihâimana Uꞌâsi Mono Zadawa Wasuꞌu

¹² Iwẽ norĩ hã tipire na tihâimanazé te te oto sina sõ'õtõ wamhã, uburé te za dasima romhu'u za'ra ni isabâdâ. Tane nherẽ, iwasété norĩ ipire na ihâimanazéb u oto waptã'ã wamhã, te za dapahi te tãma aima'uri za'ra ni.

Provébiu 28:12 ပူးပေါင်းရင်းမြစ်များ

Provébiu 11:10

Sena na 're ihâimana za'ra mono norĩ ma, iwẽ si tãma 're hâimana za'ra mono wamhã, te za 'ri nho'õmo 're, 're idahâimana za'ra mono norĩ hã da te ãma dasima 're rowẽ za'ra. Tane nherẽ, iwasété norĩ 're dâ'â za'ra mono wamhã, te za rowẽ te hã 're dazadari za'ra.

Provébiu 28:28

Iwasété norĩ ipire na ihâimanazéb u oto sarõtõ wamhã, te za dapahi te hã tãma aima'uri za'ra ni. Duré nimahã na apâ te te sina 're ti'awi za'ra mono wamhã, te za sena na 're idahâimana za'ra mono 'rã hã te te sina 're hâimo, iwa'rãmimhã.

Provébiu 29:2

Sena na i'uwaibaba na si 're ihâimana za'ra mono norĩ, 're si'i'rãnho'õmo za'ra mono wamhã, te za da te ãma dasima 're rowẽ za'ra. Tane nherẽ, iwasété norĩ 're si'i'rãnho'õmo za'ra mono wamhã, te za iwẽ'õ te 're dasiwapsari za'ra.

1 Samuéu 24:11

Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.