Provébiu 28:11 - ꞌRe Ihâimana Uꞌâsi Mono Zadawa Wasuꞌu

¹¹ Isimarĩ pese norĩ, te õne u'â ti'rãi waihu'u pese na hã te te sina 're rosa'rata za'ra. Tane nherẽ, isimarĩ'õ i'rãiwaihu'u wẽ ma si tãma waihu'u pese di, niha hã we 're ihâimana za'ra mono zé hã.

Provébiu 28:11 ပူးပေါင်းရင်းမြစ်များ

Provébiu 18:11

Isimarĩ pese norĩ hã te te 're rosa'rata za'ra, isimarĩ i'wawib za'ra 're isimapa za'ra mono na hã, aiwa 'ri nho'õmo 'wawi wa'ra 'rãihâ isiptede 're ihâimana za'ra mono ne.

Provébiu 18:17

Ni'wa hã imorĩ'rata na si'wawi simapa da isiwasu'u na hã te za sena newa ãma rosa'rata za'ra ni. Tane nherẽ, isiré ihâiba amo te te oto sadanharĩ wamhã, te za niha hã aimawi hã ãma waihu'u za'ra ni.

Provébiu 19:1

Danhimarĩ õ na sena na i'uwaibaba na si 're idahâimana za'ra mono zé hã wẽ uptabi di, sadawa nhipese na isimiza'rese'õ 're ihâimana mono zém nhipai u hã.

Provébiu 23:4

Asisibro pese da, 're asipãrĩ mono tõ, romhuri na hã. Asimiza'rese wẽ zarina te za ãma 're irosahâri mo.

Provébiu 26:12

E aima waihu'u pese di, ni'wa hã ti'rãiwaihu'u wẽ na 'râwi 're isi'madâ'â zei mono hã. Taha ma hã rowẽ õ di za. Isimiza'rese'õ ma si, tãma rowẽ di za, õhõ nhipai u iwa'rãmi.

Provébiu 26:16

Iwa'a hã te duré si'ãma 'râwi te te 're rosa'rata, 7 na aibâ norĩ i'uwaibaba na si 're isimizada'âbâ za'ra mono nhipai u marĩ tãma iwaihu'u pese na hã.

Provébiu 26:5

Ihâimana nhimiza'rese'õ nhimirobzanhamri wa'rãmip si ãma sada'âbâ, ti'rãi waihu'u pese na te te sina rosa'rata upa tõ da.

Provébiu 3:7

Ai'rãi waihu'u pese na, asina 're rosa'rata mono tõ. Uburé Danhib'apito hã 're wazé mono. Aiba niwĩ uburé marĩ iwasété wi hã tãma 're aipâi mono, marĩ 're ab'manharĩ tõ mono da.

Roma 11:25

Ĩsisãnawã norĩ, zudeu'õ na da te 're aiwaptẽrẽ za'ra wa'aba mono norĩ hã, marĩ aré dama iwaihu'u'õ na roti ipire wasu'u na hã wa za oto aima rowasu'u za'ra wa'wa, asimiza'rese ãna 're aihâimana za'ra wa'aba mono tõ da. Zudeu norĩ upana, 'Re ihâimana u'âsi mono hã ai'ãma wa'aba si 're sib'a'uwẽ mono newa, 'râwi asi'ãma 're aiwata za'ra wa'aba mono tõ da, wa za oto ãne na aima rowasu'u za'ra wa'wa. Izaraéu nhihudu norĩ hã 'Re ihâimana u'âsi mono wi, pẽ'ẽ tete uptabi na 're hâimana za'ra mono nherẽ, pẽ'ẽ tete u'âsi, tiwi 're hâimana za'ra mono õ di za. Duréihã, 'Re ihâimana u'âsi mono te te sima ipisutu siromo zéb zarina, zudeu'õ norĩ hã da'ahâ uptabi na Cristu za da te 're isaze za'ra mono norĩ za'ratazé hã, oto iwa waptã'ã wapsi, te za oto zudeu norĩ hã ahâ uptabi na itẽme 're sipizari za'ra, õhõ ãma si oto 're nomro mono da.

Roma 12:16

Duré simisutu te za asimirosa'rata na 're asisazei pese za'ra wa'aba mo, asiré isazei'wa nherẽ, asisada 're rosa'rata wasété za'ra wa'aba mono tõ da. Duré aiwẽ na 'râwi asina 're aiwata za'ra wa'aba mono õ di za. Duré dama ipire norĩ zapari, marĩ na romhuri wapu na da te dasima 're iromhuri za'ra mono zé hã asiwi 're wẽ'õ za'ra wa'aba mono õ di za, 're 'manharĩ za'ra wa'aba mono tõ da. Duré asiré norĩ nhipai u aiwaihu'u pese na 'râwi asi'ãma 're rosa'rata za'ra wa'aba mono õ di za.

1 Timotiu 6:17

Ãne te za duré isibrob ahâ norĩ ma 're i'aroti mo, sibrob ahâ wẽ te, 'râwi sina 're wata tõ za'ra mono da. Danhibro hã dama 're hâimana u'âsi za'ra mono õ di za, dama ãma 're irowẽ za'ra mono zéb da hã. Tahawa, tinhibrop si te te 're 'madâ'â za'ra mono õ di za. 'Re ihâimana u'âsi mono zô si, te za 're simnhasi za'ra, taha si, marĩ wẽ na uburé wama 're sõpru mono wa, wama ãma 're irobze za'ra mono zéb da hã.