Provébiu 28:1 - ꞌRe Ihâimana Uꞌâsi Mono Zadawa Wasuꞌu

¹ Iwasédé hã te za wara, simani da, ni'wa hã isarina wara õ nherẽ. Tane nherẽ, sena na 're ihâimana mono hã te sib'ru na 're hâimana u'âsi, hu'u zérépa ne hã.

Provébiu 28:1 ပူးပေါင်းရင်းမြစ်များ

Neemia 6:11

Tawamhã wa tô ãma tãma wa'rã ãne: — E marĩ zarina bâ, wa za dawi aimani. Duré 'Re ihâimana u'âsi mono nhorõwa 'ri ãma ĩsima'uri wa, ĩsisõ'reptu da hã, e tô isarina. Ãne hã te i'manharĩ da hã mare uptabi di.

Salmu 112:7

Romreme iwasété ma hã, tãma 're pahi mono õ di za. Pẽ'ẽ nhiptete na te za 're hâimana u'âsi, Uburé Danhib'apito si te te sina 're umnhasi mono wa.

Salmu 53:5

Tahawa, te za ta norĩ pahi te tirẽrẽ'ẽ za'ra, niwa ãne na pahi uptabi za'ra wa, irẽrẽ'ẽ za'ra õ na. E marĩ wa, 'Re ihâimana u'âsi mono te za tinhitob'ru norĩ hi na hã te te ãma ropé. 'Re ihâimana u'âsi mono hã ma tô siwi wẽ'õ za'ra. Taha wa, Izaraéu nhihudu norĩ hã te za uburé pese ãma ai'uté za'ra.

Salmu 53:6

Izaraéu nhihudu norĩ nho'reptuzé, Zeruzalẽ hawi ihâimana da hã, iwẽ aré. 'Re ihâimana u'âsi mono, Zacoho nhihudu norĩ apâ te te simarĩ pese za'ra wamhã, te za to sina oto 're hâimana za'ra.

Ezodu 11:8

Tawamhã Mozési, te te tãma inharĩzém na hã ma ãma tãma uzusi ãne: — Ã hã uburé aima romhuri'wa norĩ we ĩtẽme isi'aba'ré hã, te za ĩpapara hi'rãtitõ ĩnho'remhã asimro, ĩnhib'a'uwẽ norĩ te oto isimroi mono zé te te ĩwĩ waptẽrẽ za'ra da ãne: “Ã hawimhã te za a hã oto aiwato, asib'a'uwẽ norĩ aime si'aba'ré da.” Ãne te te ĩma nharĩ za'ra parip si, wa za wa hã ĩsi'uihâ na watobro. Tawamhã Mozési, apito Fara'oho hawimhã ma tô sahi sina watobro.

Provébiu 10:9

Sena na 're ihâimana za'ra mono norĩ hã te za sima iwẽ na to sina 're nomro. Tane nherẽ, senai õ na 're ihâimana za'ra mono norĩ hã te za da te dasiwi 're upsibi nhamra.

Provébiu 27:27

Tawamhã te za pone'ẽrebâ hâiwa'u 'manharĩ u'ẽne hã 're isi mono da hã sa'ẽtẽ na aima 're hâimana, ai'ra norĩ ma zama, duré aima romhuri'wa norĩ sipi'õ si'uparizéb da zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:3

Tane nherẽ, Paulu norĩ hã te Iconizu ãma aimasisi hâ zahuré. Pahi ãna ma tô Wanhib'apito hã dama wasu'u wẽ zahuré. Tawamhã iwasu'uwẽ hã tô sena na da te waihu'u za'ra da, Wanhib'apito hã ma tô Paulu norĩ pawaptob zahuré, da te 're iwaihu'u za'ra mono zéb da hã, marĩ iwẽ hã dama i'manharĩ waihu'u'õ hã te te dama 're ab'manharĩ zahuré mono da tame.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:13

Pedru norĩ hã mreme pahi zahuré õ di. Te te duré datõmo pipa zahuré õ di. Tahawa, zudeu norĩ ma roti'wa norĩ hã ma tô ãma titob'uzu za'ra. Rowahutu'wa da, te te dame 're romnhoré zahuré mono õ nherẽ, mreme pahi zahuré õ di. Tawamhã ma tô ãma tipo're pu'u za'ra oto, Zezusihi siré 're ineb zahuré na, ti'ai ãma 're morĩ ré hã.

1 Tesalonita 2:2

Filipu na 'ri nho'õmo nhisi ãma zahadu wasi'ubumroi ré, wa tô robzépata za'ra ni, isazei'õ'wa norĩ nhimihâzém na, duré damreme wasété na zama. Taha na ma tô wa'ãmamhã iwaihu'u za'ra wa'wa. Tane nherẽ, Wanhib'apito 'Re ihâimana u'âsi mono hã ma tô wapawaptob za'ra, wapahi ãna, isadawa wasu'u hã wa te aima wasu'u za'ra wa'aba da, Cristuhu wasu'uwẽ hã. Tahawa, wamreme wa'rãmi, da te wawi ro'wa'rutu za'ra nherẽ, wa tô iwasu'uwẽ na aima rowasu'u za'ra wa'aba ni tô, wapahi za'ra ãna.