Provébiu 27:8 - ꞌRe Ihâimana Uꞌâsi Mono Zadawa Wasuꞌu

⁸ Ni'wa, tinhorõwa nhiti romhâ na 're ihâimana mono hã, aiwa sire tizasi nhiti sina 're ipahâ za'ra mono ne hã te 're hâimana.

Provébiu 27:8 ပူးပေါင်းရင်းမြစ်များ

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 4:16

Tawamhã Caĩ, Uburé Danhib'apito 're ihâimana mono zém hawimhã ma tô watobro. Tahawa, ma tô mo, Nodi na romnhisi ãma 're hâimana mono da oto, Édẽ bâtâ pusizém niwĩ 're ihâimana mono ãma.

Provébiu 21:16

Ni'wa tinhimiza'rese wẽ te te rẽme wamhã, te za 're idadâ'â za'ra mono zép te na si oto 're hâimana.

Provébiu 26:2

Buru'õtõre wara wairébé ãna 're isisa'rei mono ne, iwẽ ma, ropipa da te ãma 're ipisutu za'ra mono zém na hã da te ãma 're waibui waihu'u mono õ di.

Provébiu 27:7

Ni'wa, te te 'mahâiwĩrĩ wamhã, ropĩ hã te za tô wẽ'õ. Tane nherẽ, ni'wai ma, mrab uptabi wamhã, te za dasa hã sé nherẽ, ise na hã tãma tihâiba.

Zona 1:3

Tawamhã Zona hã ma tô oto sima rob'ubumro, morĩ da aré. Tane nherẽ, Uburé Danhib'apito te te tãma irob'ruzéb upana, ma tô aimawi Zope na 'ri wa'õtõ nhisi u si mo. Tame ma tô uba're isa'ẽne hã sõpẽtẽ, Espãnha na romnhisi u iwara da hã. Ma tô sima wa'â, ãma imorĩzéb da. Taha pari ma tô oto ãzé uba're wa dame, isari'wa norĩ me, Espãnha u morĩ da, Uburé Danhib'apito nhiti hâimana da, romhâ na.

1 Corĩtu 7:20

'Re ihâimana u'âsi mono hã tinhib'a'uwẽ da, te te sima 're aipisutu za'ra wa'aba mono wamhã, e niha za tawamhã 're i'aihâimana za'ra wa'aba mono zé hã. Õne haré te za tô aihâimanazém na 're aihâimana za'ra wa'aba mo, dapoto mono bâ da te 're aiwamri za'ra wa'aba mono zéb zarina, duré aipire na dama 're i'aihâimana za'ra wa'aba mono zéb zarina, duré aiwapu na dama 're i'aihâimana za'ra wa'aba mono zéb zarina.

Zuda 1:13

 sisasi hã 're isibzaihâ za'ra mono ne, te ta norĩ hã tãma 're rowẽ za'ra mono da newa, hâiwi si 're nomro, 're wa'utu za'ra mono ãna. Duré â nhibzaihâ zaipro iwasédé, supara 'ré u te te 're isãmra mono ne, te marĩ iwasété si te te 're 'manharĩ za'ra, ta norĩ hã. Wasi hã siwa'ru 're inomro mono ne, te duré ta norĩ hã siwa'ru 're hâimana za'ra, te te 're rob uptabi za'ra mono ãna. Ta norĩ ãma ma tô 'Re ihâimana u'âsi mono hã sima ãma roti siromo za'ra, za te te ihâ za'ra zém na hã. Robra si 're isa'wari mono zéb u te za satõrĩ za'ra, robra u'âsi u, iwa 're hâimana u'âsi za'ra mono da, tame.

1 Samuéu 22:5

Tawamhã 'Re ihâimana u'âsi mono zadawa 'mahârâ'wa Gadi hã ma tô Dawihi hâimanazéb u itẽme mo. Tawamhã te ãne tãma tinha: — Ãmemhã aihâimana õ di za. Te za aimorĩ su, Zuda ti'ai u hã. Tahawa, ma tô Dawi hã watobro oto ta hawimhã. Ma tô mo, Hereti na marã nhisi u hã.