Provébiu 27:24 - ꞌRe Ihâimana Uꞌâsi Mono Zadawa Wasuꞌu

²⁴ E marĩ wa. Danhimarĩ za'ẽne hã duré apito si'uirĩ na ti'ra ma, da'madâ'âzép te tinhoprezé nhomrizé hã õne u'â dama 're hâimana za'ra mono õ na dâ'âsina.

Provébiu 27:24 ပူးပေါင်းရင်းမြစ်များ

Salmu 89:36

Õne u'â te za õhõ ma isihudu hã tãma 're hâimana za'ra. Duré bâdâ te te 're rob'uiwẽ mono ré, wa za dama i'rãnho'õmo na 're ihâimana mono zé hã te 're 'madâ'â pese.

Salmu 89:39

Asib'a'uwẽ ma, asimiropisudu i'manharĩzé ma, ma tô asimirẽ. Ma tô duré isõprezé ti'ai u hã ime.

Provébiu 23:4

Asisibro pese da, 're asipãrĩ mono tõ, romhuri na hã. Asimiza'rese wẽ zarina te za ãma 're irosahâri mo.

Provébiu 23:5

E marĩ wa. Rob'uiprazé hã waptu na za aiwi 're simani mono wa, ipaihi si'uiwa na isaribi tãma 're pa za'ra mono wa, si'u romhâ na oto 're isisa'rei mono ne.

Tiagu 1:10

Duré wasiré isazei'wa norĩ hã sibro pese wẽ te, tipẽ'ẽ na te te sima 're rowẽ za'ra mono õ di za. Wanhib'apito zazei'wa 're nomro mono wa, te za tipẽ'ẽ na si 're toi u'âsi za'ra. Duré sibro pese na ta norĩ 're hâimana za'ra mono nherẽ, te za, rom na romnhirãrã 're isimnhatã mono ne, dawi 're hâiba simani za'ra oto.

1 Samuéu 13:14

Tazahã, ãhã na a hã dama i'rãnho'õmo na 're aihâimana mono na ãma uzusi õ di za. E marĩ wa. A hã wapari õ wa, Wanhib'apito te te aima i'ruzé hã. Tahawa, te za aibâ zô, rĩtĩ te te 'mazabu da, te te sima iwẽzéb zarina te te pisutu da Izaraéu nhihudu norĩ ma isi'apito da hã.