Provébiu 27:23 - ꞌRe Ihâimana Uꞌâsi Mono Zadawa Wasuꞌu

²³ Ate pone'ẽrebâ norĩ hã, duré powawẽ norĩ hã niha na aima ihâimana za'ra zô 're awaihu'u mono da hã sada 're asiptete mono.

Provébiu 27:23 ပူးပေါင်းရင်းမြစ်များ

Zenezi 33:13

Tawamhã Zaco ma te ãne ãma sada'â asa: — Ĩnhib'apito, aima waihu'u pese di, ai'uté norĩ isib'uwa na hã. Duré ĩnhimi'madâ pone'ẽrebâ norĩ hã, duré powawẽ norĩ hã i'ra ré hã te i'madâ'â wẽ za'ra da si, ĩma hã ĩbâre. Tahawa, sa'ẽtẽ si'aba'ré da, wa te susi za'ra mono wamhã, te aré misi bâtâ na nherẽ, uburé ĩwi ai'utõ.

Ezodu 7:23

Tahawa za marĩ tãma ihâimanazém na sina hâtâ'â ãna hã ma tô apâ mo, tinhimiromhurizé 'ri u.

Provébiu 24:27

Uimrehẽne asima 'ri tõ, asima rob're pari a'â. Tawamhã a hã i'uwaibaba na te za we i'manha, i'aihâimana mono zéb da hã.

Provébiu 24:32

Tawamhã ta hã te 'madâ'â wamhã, wa tô ãma rosa'rata. Taha zarina wa tô duré waihu'u, ãne:

Zuwã 10:3

Taha si 'ridawa u, sô 're simasisi mono wamhã, te za te te tãma 're 'ridawa, 'ridawa 'madâ'â'wa hã. Sô 're simasisi mono wamhã, imreme te za waihu'u za'ra, pone'ẽrebâ hã. Isisi mono bâ, te za sitẽme sô 're hârâ, rob u te te 're sani za'ra mono da hã.

1 Pedru 5:2

Tahawa, wa za aima waihu'u za'ra wa'wa, 'Re ihâimana u'âsi mono hã tinhib'a'uwẽ te te aima 're ipisutu za'ra wa'aba mono hã ato sina tãma 're pawaptob za'ra wa'aba mono da, tãma 're aiwa'a za'ra wa'aba mono ãna. Ãne da, ma tô sima aiwẽ za'ra wa'wa, Wamama hã. Rob'uiprazéb zô tãma 're dapawaptob za'ra wa'aba mono õ di za. Tô sena asima 're iwẽ uptabi za'ra wa'aba mono zéb zarina si, te za tãma 're idapawaptob za'ra wa'aba mo.

1 Samuéu 17:28

Tawamhã Eliabe dadub'rada ipoto'rada hã ma tô wapa dasi'wapéi 'manharĩ'wa norĩ te te sadanharĩ za'ra ré hã. Tahawa, ma tô tinhobabati da hã ab'ru. Tahawa, te ãne tãma tinha: — E marĩ te ãmemhã i'manha. E 'wa hã te duré asô 'madâ'â za'ra, pone'ẽrebâ norĩ, a'ubuni wi hã. A hã ma tô we aimo, dasi'wapé taré 'madâ'â da si!