Provébiu 27:2 - ꞌRe Ihâimana Uꞌâsi Mono Zadawa Wasuꞌu

² Asi'uihâ na 'râwi hã asina 're aiwata mono õ di za, aimawi norĩ si ai'ãma 're wata pibui pese za'ra mono da.

Provébiu 27:2 ပူးပေါင်းရင်းမြစ်များ

Provébiu 20:6

Da'ahâ na te dasiwaihu i'umnhasi na 're dasiwasu'u za'ra. Tane nherẽ, e 'wa dasiwaihu umnhasi uptabi na 're ihâimana mono, da te isõpẽtẽ da bâ. Waihu'u õ di.

Provébiu 25:27

Ropĩ da te 're i'upsõmri hâ za'ra mono hã wẽ õ di. Tane duré wẽ õ di, ni'wai ãma dawata zô simire sina 're imorĩzé hã.

Provébiu 27:3

Ẽtẽ norĩ, supara me hã pire uptabi zahuré di. Tane nherẽ, isimiza'rese'õ norĩ nhimirob'manharĩ wasété zarina ro'wa'rutuzé hã pire uptabi di, isipai u zahuré.

2 Corĩtu 10:12

Ta norĩ hã danhipai u 're ihâimana wẽ za'ra mono na, ma tô 're si'madâ'â ze za'ra. Tane nherẽ, wa norĩ hã isine za'ra da hã, wa te wasina rosa'rata waihu'u õ di, wawẽ na hã. Tane nherẽ, te ta norĩ hã isimiza'rese'õ ne 're hâimana za'ra. Tihâimana wẽ zéb zô si, te ta norĩ hã 'râwi sina 're sõpré, taha na si danhipai u 're hâimana wẽ za'ra mono da newa.

2 Corĩtu 10:18

Ni'wam norĩ hã tiwẽ na 'râwi 're isi'madâ'â ze za'ra mono norĩ hã, Wanhib'apito te te 're wẽsãmri za'ra mono õ di, ta norĩ hã. E marĩ wa. Te te sima 're i'awasu'u wẽ mono norĩ si, te za te te 're awẽsãmri, Wanhib'apito hã.

2 Corĩtu 12:11

Cristuhu zadawa wasu'u'wa na, asiwi ĩwaihu'u za'ra wa'aba õ wa, wa tô ĩnhimiromhuri wẽ na si aima ĩsiwasu'u za'ra wa'wa, ãne hã te ĩsima wẽ õ nherẽ. Ãté ĩnhimiza'rese'õ ne, wa tô ãne na aima ĩsiwasu'u za'ra wa'wa, a norĩ wa'wa hã dama 're ĩwasu'u wẽ za'ra wa'aba mono õ 'ru te. 'Re ihâimana u'âsi mono te te 're ĩpawapto mono õ 'wa'âhã, aré marĩ dai õ di, 're ĩhâimana mono zé hã tô. Tane nherẽ, Zezusihi zadawa wasu'u'wa newa, senai'õ na te te aima 're iroti za'ra wa'aba mono norĩ ma, ĩwapu na tãma 're ĩhâimana za'ra mono õ di.