Provébiu 27:17 - ꞌRe Ihâimana Uꞌâsi Mono Zadawa Wasuꞌu

¹⁷ Isi'uwazi tete na ro'wa, 're isi'wa si'uiwa za'ra mono ne, te dasiré norĩ me hã rosa'rata wẽ na 're dasipawaptob si'uiwa za'ra.

Provébiu 27:17 ပူးပေါင်းရင်းမြစ်များ

Provébiu 27:16

E ari'iwi 're ihâimana mono da hã tãma 'manharĩ waihu'u pese di. Mare di, waihu'u õ di, rowa'u simizazâri da, da te tãma i'manharĩ waihu'u õ ne, duré wedewa'u to danhib'rata na da te i'âri waihu'u õ ne.

Provébiu 27:18

Ni'wa figuera wede te te 're 'madâ'â wẽ mono wamhã, te za i'rã hã te te 're 'masi. Duré ni'wa tinhib'ihâ'a te te 're 'madâ'â wẽ mono wamhã, te za isimi'madâ'â wẽ zé hã da te ãma 're wazéb za'ra.

Provébiu 27:9

Dasisadazezém na 're dasi'mawamarĩ za'ra mono wa, te te dama 're irowẽ zani za'ra mono ne, te sena na 're idasisawi za'ra mono zé hã te te dama 're rowẽ zani za'ra.

Provébiu 29:22

I'rãi wa'ro su'u norĩ hã te za damreme na dasi'wapé hã te te 're poto za'ra, duré ro'wa'rutu zama.

Zuwã 11:29

Tahawa, ma si'aba'ré na wahudu, Zezusihi u wei morĩ da, Maria hã. Ãhã wamhã, zahadu 'ri tẽmemhã, wisi õ di, Zezusi hã. Marta te te i'uzusizéb ãma, te zahadu tihâiba.

2 Timotiu 1:12

Tahawa, te te ĩpisutuzéb zarina, te ĩsina uwaimrami wa, wa oto te 're robzépata. Tane nherẽ, 're ĩnhisé mono õ di, isadawa wasu'u'wa na 're ĩmorĩ tõ da. Wanhib'apito hã wa ĩsina te 're umnhasi, te te 're ĩpawaptob u'âsi mono da. Ta hã ĩma waihu'u pese di, iwaihu'u pese na hã. Wa hã wa tô tãma ĩsihâiba nho, tô sena tãma waihu'u pese wa, te te 're ĩ'madâ'â mono zéb da hã, bâdâ iwa waptã'ã õ ré, apâ we imorĩzéb u hã.

2 Timotiu 1:8

Ãne wamhã, 're asisé mono õ di za, Wanhib'apito wasu'uwẽ hã dama 're wasu'u tõ mono da hã. Duré 're asisé mono õ di za, ĩwasu'u na. Wanhib'apito wasu'uwẽ na te dama 're rowasu'u mono 'ru te, ma tô dasiwi ĩnherẽ ni, dazazéb 're. Tahawa, wa oto te 're robzépata. Ãne wa, ma'ãpé 'Re ihâimana u'âsi mono hã tinhiptede te te aima isõmri na, sada 're asiptete mono, ĩsine 're robzépata mono da.

2 Timotiu 2:3

Da'wapéi'wa dama i'umnha dasi'wapéi 're, dame 're hâimana mono wamhã, te te 're robzépata tõ mono da hã, 're sisawi mono õ di za. Tane a hã, Cristu Zezusihi nhib'a'uwẽ na 're aihâimana mono wa, te za asina 're isazei u'âsi mo, asisawi ãna ĩsine 're robzépata mono da.

Hebreu 10:24

Wa za duré wasi'ãma hã 're wapo're pu'u u'âsi za'ra, marĩ na 're iwasipawaptob za'ra mono zéb da na, duré taha zarina 're iwasisawi pese za'ra mono zém na wa te wasima ãma 're i'uwaimrami za'ra mono zéb da na, duré marĩ wẽ na wa te wasima ãma 're iwa'rãmi wẽ za'ra mono zém na da zama.

Tiagu 1:2

Ĩsisãnawã norĩ, marĩ hã ahâ na asada 're hâimana za'ra wa'aba mono nherẽ, te za atoi u'âsi 're anomro aba mo.

Zozué 1:18

Tawamhã duré ni'wa hã te te i'aimreme wapari õ zarina, siwa'ru asimirowaihu'u wi sipi'rai wamhã, te za wĩrĩ ni. Tahawa asiptete na si, duré asib'ru na si hã aihâimana mono za.

Zozué 2:24

Ãne ma te rowasu'u na hã ãma tãma 'rãsutu zahuré: — Uburé Danhib'apito hã, õ hã ti'a uburé te te wama isõmri za'ra zém na hã wa tô wa norĩ hã sena na waihu'u ni. Tahawa ma tô õmemhã uburé pese wama tapahi pese za'ra ni.

1 Samuéu 23:16

Tawamhã Zonata hã ma tô itẽme mo, te te sõpẽtẽ da tame. Tahawa, ma tô apâ ipẽ'ẽ nhiptede hã sina tãma tisõ, za te te sina i'umnhasizé hã isitob'ru norĩ wi 'Re ihâimana u'âsi mono nhimipawaptobzé hã.