Provébiu 27:11 - ꞌRe Ihâimana Uꞌâsi Mono Zadawa Wasuꞌu

¹¹ Ĩ'ra, ai'rãi waihu'u wẽ na hã 're aihâimana mono. Tawamhã ĩma 're rowẽ mono di za. Duré ãhã wamhã, ĩma waihu'u pese di, ĩma ipẽtẽ'wa norĩ ma, niha na iwẽ na te ãma 're i'azada'âbâ mono da hã.

Provébiu 27:11 ပူးပေါင်းရင်းမြစ်များ

Salmu 119:42

Tawamhã ĩ'ãma 're iwa'ẽi u'âsi za'ra mono 'wai ma hã, wa za te 're waihu'u siromo, te ãma tãma 're iwa'rãmi za'ra mono zéb da hã ĩmreme na, aimreme si te ĩsina 're umnhasi mono wa.

Salmu 2:10

Tahawa, apito norĩ, ma'ãpé asimiza'rese 're aihâimana za'ra wa'aba mono. Dama ipire norĩ, ma'ãpé ipire na te aima iwaihu'u za'ra wa'aba zém na 're asi'madâ'â pese za'ra wa'aba mono.

Provébiu 10:1

Da'ra i'rãi waihu'u wẽ, te za tihâimanazém na timama ma hã te te ãma 're rowẽ zani pese. Tane nherẽ, da'ra isimiza'rese'õ niha na 're ihâimana mono hã te za tina wi te te ãma 're robzei'õ zani.

Provébiu 15:20

Da'ra i'rãi waihu'u pe hã te za timama ma, te te ãma tãma 're rowẽ zani. Tane nherẽ, da'ra isimiza'rese'õ hã te za tarére na tina te te 're i'madâ'â mono zarina hã iwazéb õ na 're hâimana.

Provébiu 26:16

Iwa'a hã te duré si'ãma 'râwi te te 're rosa'rata, 7 na aibâ norĩ i'uwaibaba na si 're isimizada'âbâ za'ra mono nhipai u marĩ tãma iwaihu'u pese na hã.

Provébiu 27:12

Isimiza'rese wẽ, marĩ isimimnha te te 'madâ'â wamhã, te za tãma ai'ré, ãma wati na ré. Tane nherẽ, isimirosa'rata prã hã te za õne haré itẽme mo. Ãhã wamhã, te za robzépada hã sitẽme 'wani.

Provébiu 29:3

Aibâ ti'rãiwaihu'u wẽ te te sima 're isawi mono na, te za timama ma hã te te ãma tãma 're rowẽ zani. Tane nherẽ, ni'wa pi'õi wasété ãma si 're morĩ wamhã, te za tinhimarĩ hã taré pese te te siwi ãma 're a'uprosi.

Filemo 1:7

A hã ĩno. Ĩma asawi di. 'Re asimizawi pese mono wa, ĩto ti. Duré ĩtoi uptabi di, ĩpẽ'ẽ 'remhã. Tahawa, ĩma rowẽ uptabi di. Duré uburé isazei'wa norĩ hã robze na oto 're si'ubumroi mono wa, marĩ na a hã 're apawapto mono wa, ĩtoi uptabi di, aima.

2 Zuwã 1:4

Ni'wam norĩ hã asiré 're i'aihâimana za'ra wa'aba mono norĩ hã iwasu'uwẽ tô sena zarina si te, u, 're hâimana za'ra, Wamama te te wama 're i'aroti mono zéb zarina si. Ãne hã te wapari wamhã, ma tô iwasu'u wẽ za'ra hã ĩma rowẽ waze. Tahawa, ĩtoi uptabi di, ãhã na mono hã.