Provébiu 27:10 - ꞌRe Ihâimana Uꞌâsi Mono Zadawa Wasuꞌu

¹⁰ Asiwaihu hã aimama siwaihu'u me hã, rẽme zahuré tõ. Tô'ã! Duré ropire na aihâimana wamhã, asisãnawã te te aipawaptob da hã tiwi rowaptẽrẽ tõ. E marĩ wa. Asisãnawã romhâ na 're ihâimana mono nhipai u, 'râwi aiwaptoma 're ihâimana mono hã sa'ẽtẽ dâ'âsina aima hã.

Provébiu 27:10 ပူးပေါင်းရင်းမြစ်များ

Provébiu 17:17

Ni'wa hã te za tisiwaihu te te 're sawi u'âsi. Ropipa hã sô watobro wamhã, te za isisãnawã ne hã tãma 're hâimana.

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

Provébiu 19:7

Isimarĩ'õ, isisãnawã uptabi te te siwi 're wẽ'õ mono nherẽ, e te aré bété isiwaihu'u norĩ hã te te sina 're tété za'ra. Mare di. Aiwa te za tô te te siwi 're wẽ'õ pese za'ra. Tahawa isiwaihu'u norĩ te te 're pawaptob za'ra mono da, duré sô 're rĩtĩ za'ra mono nherẽ, nimame te te i'manhopẽtẽ da hã mare di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:12

Tawamhã awẽm na rowa'a wi, zudeu norĩ hã ma tô pi'uriwi si'rã'õtõ. Te sima 'ru za'ra, Paulu hã te te siwi wĩrĩ da. Ãne te tawamhã sima ãma roti za'ra: — Paulu hã wa te wasiwi wĩrĩ aba. Tawamhã 'Re ihâimana u'âsi mono ma, wa za wasi'ru za'ra ni, wa te wasiwi wĩrĩ õ wamhã, te te wa'uprosi da, wa te wasima i'ruzé hã wa te ãma uwaimrami za'ra õ wamhã. Wa te wasima i'ruzé hã wa te ãma uwaimrami za'ra õ ré, wasaihuri õ di za. Duré wa te âhuri õ di za.