Provébiu 26:25 - ꞌRe Ihâimana Uꞌâsi Mono Zadawa Wasuꞌu

²⁵ Ta hã dama 're mreme wẽ mono nherẽ, te te inharĩzém na hã ãma 're sazei mono õ di za. E marĩ wa. Ipẽ'ẽ 'remhã isimirosa'rada hã wasété uptabi wa.

Provébiu 26:25 ပူးပေါင်းရင်းမြစ်များ

Neemia 6:2

Tawamhã ma tô Sãbalati norĩ, Gesẽhẽ me, romreme hã we ĩma me zahuré, ãne: “Ma'ãpé we aimorĩ, ẽtẽ siwa'aba wa romharé Ono na isisi ãma, nimahã 'ri wa'õtõ ãma wasisõpẽtẽ za'ra da.” Tane nherẽ, ma tô õ norĩ hã 'rã nhipese na ĩzada rosa'rata zahuré, ĩma isimiza're pese zahuré zéb da.

Provébiu 23:7

Te za nasi aima tinha, ãne: “Suru na, nasi asi na”. Tane nherẽ, sena na hã te te nasi aima nharĩ õ di.

Provébiu 26:23

Damreme hã iwẽ newa te romana wawimhã 're hâimana, dapẽ'ẽ 'remhã wasété uptabi nherẽ, zé'a na ub'rẽ hã waipo da, da te 're i'ma'wamarĩ mono ne.

Mateu 24:23

— Za da te 're robzépata za'ẽtẽ za'ra mono ré, ãté ni'wam norĩ hã te za te te aima 're da'mahârâ za'ra wa'wa, ãne: “Ãhãta, Cristu, 'Re ihâimana u'âsi mono te te ipisudu, Danho'reptui'wa da.” Ãté aimawi norĩ hã te za duré ãne te te aima 're da'mahârâ za'ra wa'wa: “Õhõta, Cristu.” Ãne wamhã, ãma 're dazaze za'ra wa'aba mono õ di za, damreme na hã.

1 Samuéu 18:17

Tawamhã Sau te Dawihi ma tinha ãne: — Ãhãta ĩ'ra ipoto'rada, Merabe na isisi hã. Ã hã wa za aima tisõ, ãma aimro da hã. Tawamhã a hã dasi'wapéi 'manharĩ'wa asiptete na te za ĩma 're aihâimana mo za ĩma ai'umnhasi na, duré Uburé Danhib'apito te dasi'wapé na ãma 're ai'wapéi mono da. Sau te rosa'rata ãne: “Te iwĩrĩ da hã mare di wa hã. Ĩma wẽ di filisteu norĩ si ĩ'upana te te siwi iwĩrĩ da hã.”