Provébiu 26:24 - ꞌRe Ihâimana Uꞌâsi Mono Zadawa Wasuꞌu

²⁴ Ihâimana si'ahâ hã te te 're da'ruiwapari ahâ za'ra mono nherẽ, te timreme wẽ na hã te te 're suwa za'ra, sadawa nhipese na.

Provébiu 26:24 ပူးပေါင်းရင်းမြစ်များ

Zenezi 34:13

Tawamhã Zacoho 'ra norĩ 'rãnhipese sina ma tô Siquẽ, imama me hã ãma siwi sada'â, ihidiba za'ra Dina te te tiwi ihâiba wamnarĩ zarina.

Neemia 6:2

Tawamhã ma tô Sãbalati norĩ, Gesẽhẽ me, romreme hã we ĩma me zahuré, ãne: “Ma'ãpé we aimorĩ, ẽtẽ siwa'aba wa romharé Ono na isisi ãma, nimahã 'ri wa'õtõ ãma wasisõpẽtẽ za'ra da.” Tane nherẽ, ma tô õ norĩ hã 'rã nhipese na ĩzada rosa'rata zahuré, ĩma isimiza're pese zahuré zéb da.

Salmu 41:6

Ta norĩ hawi te te ĩ'mazabu da, wẽ ĩtẽme 'maimorĩ wamhã, sena na hã te te ĩma 're 'mairobzanhamri mono õ di. Te duré ĩhâiba na si romreme hã taré te te sima 're a'ubumro, apâ ĩhawi 're pusi mono wa, te te ãma sima 're ropé za'ra mono da hã.

Provébiu 10:18

Ni'wa hã 're isiti'rui mono zé te te dawi 're udâ mono wamhã, isadawa nhipese na isimirobzanhamrizé, te wasu'u. Duré ni'wa hã dabâsi na te te ãma 're iropéi mono hã, te simiza'rese'õ na si 're hâimana.

Provébiu 11:1

Uburé Danhib'apito ma, senai õ na marĩ pire pibuzém na te te dama 're iromhuri za'ra mono norĩ hã tãma 'ru ti. Sena na marĩ pire pibuzém na te te dama ãma 're iromhuri za'ra mono norĩ si tãma iwẽ hã.

Provébiu 12:17

Sena na 're ihâimana za'ra mono norĩ hã te za tô sadawa nhipese ãna te te dama 're dawasu'u za'ra, dasisõ'a. Tane nherẽ, senai õ na te te 're idawasu'u za'ra mono norĩ hã, te za sadawa nhipese na hã te te 're rowasu'u za'ra.

Provébiu 12:20

Wasété na te te 're irowa'õtõ za'ra mono norĩ pẽ'ẽ 'remhã te isadawa nhipese na isimirosa'ratazép si tãma 're hâimana za'ra. Tane nherẽ, rowẽ na 're dahâimana za'ra mono da, te te dama 're iromhuri za'ra mono norĩ hã te za robze na 're ihâimana za'ra mono zép si te te 're sõpẽtẽ za'ra.

Provébiu 12:5

Sena na 're ihâimana za'ra mono norĩ nhimirowa'õno hã i'uwaibaba na si te 're hâimana. Tane nherẽ, iwasété norĩ nhimiroti hã da'rãiwamnarĩ da si te 're hâimana.

Provébiu 14:8

Simiza'rese na 're ihâimana mono ma si tãma waihu'u pese di, ti'rãi waihu'u wẽ zarina, i'uwaibaba na si, za 're imorĩ da hã. Tane nherẽ, simiza'rese ãna 're ihâimana mono hã te za 'rãi waihu'u'õ zarina 're sisimini.

Provébiu 23:7

Te za nasi aima tinha, ãne: “Suru na, nasi asi na”. Tane nherẽ, sena na hã te te nasi aima nharĩ õ di.

1 Samuéu 18:17

Tawamhã Sau te Dawihi ma tinha ãne: — Ãhãta ĩ'ra ipoto'rada, Merabe na isisi hã. Ã hã wa za aima tisõ, ãma aimro da hã. Tawamhã a hã dasi'wapéi 'manharĩ'wa asiptete na te za ĩma 're aihâimana mo za ĩma ai'umnhasi na, duré Uburé Danhib'apito te dasi'wapé na ãma 're ai'wapéi mono da. Sau te rosa'rata ãne: “Te iwĩrĩ da hã mare di wa hã. Ĩma wẽ di filisteu norĩ si ĩ'upana te te siwi iwĩrĩ da hã.”