Provébiu 26:23 - ꞌRe Ihâimana Uꞌâsi Mono Zadawa Wasuꞌu

²³ Damreme hã iwẽ newa te romana wawimhã 're hâimana, dapẽ'ẽ 'remhã wasété uptabi nherẽ, zé'a na ub'rẽ hã waipo da, da te 're i'ma'wamarĩ mono ne.

Provébiu 26:23 ပူးပေါင်းရင်းမြစ်များ

Provébiu 10:18

Ni'wa hã 're isiti'rui mono zé te te dawi 're udâ mono wamhã, isadawa nhipese na isimirobzanhamrizé, te wasu'u. Duré ni'wa hã dabâsi na te te ãma 're iropéi mono hã, te simiza'rese'õ na si 're hâimana.

Provébiu 23:7

Te za nasi aima tinha, ãne: “Suru na, nasi asi na”. Tane nherẽ, sena na hã te te nasi aima nharĩ õ di.

Provébiu 25:4

Ẽtẽ waipo prã prata tõmo upto, da te dasima sani za'ra wamhã, ãma iromhuri'wai ma hã waihu'u pese di, marĩ iwẽ te te ãma i'manharĩ da hã.

Provébiu 26:25

Ta hã dama 're mreme wẽ mono nherẽ, te te inharĩzém na hã ãma 're sazei mono õ di za. E marĩ wa. Ipẽ'ẽ 'remhã isimirosa'rada hã wasété uptabi wa.

Provébiu 27:6

Ni'wa wasiwaihu te te wama ipẽtẽ zarina, te te wa'u'a nherẽ, wama hã umnhasi u'âsi di. Tane nherẽ, asi'ru tinho'utu te te ai'âri wamhã, te za asi'madâ'â pe.

Mateu 23:27

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. Ãne na wa za duré aima ãma romnhimiré'é za'ra wa'wa, waihu'u za'ra wa'aba da: Adâ'â 'ru hã imana wawimhã te za a ni, i'madâ'â ze zéb da hã. Tane nherẽ, 're idadâ'â za'ra mono norĩ hi hã te iwa 're simi'wara u'âsi ab're 'remhã, 're idahâiba hâi ware za'ra mono zama. Iwasété si te iwa 're simi'wara, ab're 'remhã. — Tane duré, a norĩ wa'wa hã 're aihâimana wẽ za'ra wa'aba mono newa, te da te 're ai'madâ'â wẽ za'ra wa'wa, sõ'awim na hã. Tane nherẽ, aipẽ'ẽ 'remhã aiwasété uptabi na te iré 're aihâimana za'ra wa'aba mo. Aihâimana uptabi õ za'ra zéb zarina si, te duré dama 're anomro aba mo.

Luca 11:39

Tawamhã ma tô Wanhib'apito hã tãma tinha, Zezusi hã: — Farizeu norĩ, wa za aima ãma romnhimiré'é za'ra wa'wa, ãne: Hâsizé hã duré pratu hã imana wawip si, da te 're upsõ za'ra mono wamhã, iwa'wamhã wasété di, zahadu upto wa. Tane, a norĩ wa'wa hã 're anomro wẽ wa'aba mono newa, da te 're ai'madâ'â wẽ za'ra wa'aba mono da, te 'Re ihâimana u'âsi mono nhimiroti ipire prã norĩ si 're i'madâ'â pese za'ra wa'aba mo, danho'a. Tane nherẽ, aipẽ'ẽ 'remhã asimirosa'rata wasété na te zahadu iré 're aihâimana u'âsi za'ra wa'aba mo. Danhibrob na si te duré 're ida'ruiwapari za'ra wa'aba mo. Aihâimana nhipese zarina, te duré marĩ na dawi 're asipsaihuri za'ra wa'aba mo.