Provébiu 26:1 - ꞌRe Ihâimana Uꞌâsi Mono Zadawa Wasuꞌu

¹ Rob'ré siwaprã rowahâzé pĩni u'ẽne 're ita'a mono ne, duré niha wamhã, roptehâri siwaprã tã 're ita'a mono ne, ni'wa hã ihâimana nhimiza'rese'õ ãma 're iwata mono zé hã te te rowazari õ di, sadai õ wa.

Provébiu 26:1 ပူးပေါင်းရင်းမြစ်များ

Provébiu 17:7

Isimiza'rese'õ, damreme iwẽ na te te inharĩzéb da hã te te wazari õ di, niwa ãma hâimana õ wa. Duré dama iwazém norĩ hã dazadawa nhipese na rowasu'u hã te te wazari õ di.

Provébiu 19:10

Isimiza'rese'õ norĩ, sima sipese na 're ihâimana za'ra mono da hã ibâi õ di. Pawa'âbâ ãna te te dama 're iromhuri za'ra mono norĩ hã bété. Dama i'rãnho'õmo norĩ upana te te 're ida'a'madâ'â mono da hã ibâi õ di duré.

Provébiu 26:3

Awaru ahârizéb da, te ihâ nhorõ hã sada 're hâimana za'ra. Duré awaru po're pore da, te isi'uwazi nhi'odo iwata wazizé hã sada 're hâimana za'ra. Tane te wedehu waré hã, hâimana nhimiza'rese ãna 're ihâimana za'ra mono norĩ ba ãma i'ahârizéb da hã, sada 're hâimana za'ra.

Provébiu 26:8

Isimiza'rese'õ ãma 're idawata za'ra mono zé hã aiwa powawẽ hâ 'manharĩ, ẽtẽ ré da te 're iwasisi za'ra mono ne hã.

Provébiu 28:16

Dama i'rã nho'u isimiza'rese'õ hã te za da'ãma siwamri ãna te te 're dawati pese za'ra. Tane nherẽ, ni'wa senai õ na 're idahâimana za'ra mono zéb zarina, 're idasisibro pese za'ra mono zé tãma i'ru si te za dama i'rãnho'õmo na hã ãma 're hâimana hâ.

Zuize 9:20

Mare wamhã, Abimelequihi hâiba hawi uzâ iwatobro da si iwẽ hã, Siquẽ ãma, duré Bete-Miru ãma aibâ 're ihâimana za'ra mono norĩ ãma te te isazu za'ra da hã. Siquẽ ãma, duré Bete-Miru ãma aibâ 're ihâimana za'ra mono hawi uzâ iwatobro da si iwẽ hã, Abimelequihi ãma te te isazu da hã.

Zuize 9:7

Tawamhã Zotã ãne hã te te waihu'u wa, ma tô Gerizi na ẽtẽ nhisi na sai'u. Te te sai'uri wamhã, ma tô ãne hârâ 'rãihâ na 'mahârâ za'ra: — Siquẽ ãma aibâ norĩ, asiwi ĩwapari aba! Tawapsi te za 'Re ihâimana u'âsi mono te te 're aiwapari za'ra wa'wa.