Provébiu 25:28 - ꞌRe Ihâimana Uꞌâsi Mono Zadawa Wasuꞌu

²⁸ Dahâimana wa'ro zarina 're idasitété waihu'u mono õ, te 'ri 'wawi wa'ra 'rãihâ 're isipru pese mono ne hã 're hâimana.

Provébiu 25:28 ပူးပေါင်းရင်းမြစ်များ

Neemia 1:3

Tawamhã ta norĩ hã ma tô ĩma wasu'u za'ra, isi'utõrĩ'õ norĩ Zuda u isihutu norĩ tãma ropire uptabi za'ra na isi'ubumro na hã. Ma tô duré ĩma wasu'u za'ra, a'uwẽ zudeu'õ norĩ iwaptoma 're ihâimana za'ra mono norĩ te te 're i'ruiwapari za'ra mono na hã. Tawamhã te duré ĩma wasu'u za'ra ãne: “Zahadu Zeruzalẽ 'wawi wa'ra 'rãihâ hã siprum haré te duré 're sa'wari. 'Ridawa za'ẽtẽ zama da te ãma sazu za'ra haré te zahadu õne haré 're hâimana, da te dasiwi 'manharĩ téb ãna.”

Provébiu 16:32

Iwa'ro su'u õ norĩ hã wẽ uptabi di, isib'ru norĩ, isiptete norĩ nhipai u. Duré 'ri ahâ ãma da te 're i'ai'uté mono zém nhipai u, marĩ da te 're 'manharĩ za'ra mono tõ da, dasiwi 're idanhimi'rãmi za'ra mono zé hã wẽ uptabi di.

Provébiu 19:18

Ai'ra norĩ hã zahadu prédub õ ré, te za tãma 're iropipa za'ra wa'aba mo. Ãnei õ wamhã, te za tihâimanazé hã te te siwi 're uprosi za'ra, 'râwi.

Provébiu 19:19

Ni'wa hã ihâimana wa'ro su nimahã na te te robzépata tõ da, pawaptom nherẽ, sisãmri dai õ di. Duré pawaptob zahu nherẽ, isisãmri da hã mare di. Tahawa, ihâimana wa'ro su'u norĩ te te tô 're robzépata za'ra mono.

Provébiu 22:24

Ihâimana wa'ro su'u siré hã 're aihâimana mono tõ.

1 Samuéu 20:30

Tawamhã Sau ma tô sada ab'rui pese, ti'ra Zonataha da hã. Tahawa, te tãma tinha ãne: — Pi'õi wasété 'ra, a hã! Wa tô aiwaihu'u ãhã na hã, saprĩ wa Dawihi niwĩ i'aihâimana na hã. Taha na ma tô asi'upto wasé. Ana zama ma tô duré i'upto wasé.

1 Samuéu 25:17

Tahawa, ãne na rosa'rata wamhã, ma'ãpé asima rowairébé, marĩ 'manharĩ da hã. E marĩ wa. Iwasédé hã za oto watobro wa, wanhib'ihâ'a tẽmemhã, duré uburé i'ra norĩ tẽmeb zama. Õ hã wasété uptabi wa, ni'wa hã te te tãma irobzanhamri da hã waihu'u õ di.