Provébiu 25:25 - ꞌRe Ihâimana Uꞌâsi Mono Zadawa Wasuꞌu

²⁵ Rowasu'u wẽ, romhâ hawi datẽme 're isihutu mono hã, aiwa 'rubu ré â wahâ da te 're i'âhuri mono ne hã.

Provébiu 25:25 ပူးပေါင်းရင်းမြစ်များ

Zenezi 45:27

Tane nherẽ, Zuzé uburé tisisãnawã norĩ ma, te te tãma iwaihu'u za'ra zé te te tãma wasu'u za'ra wamhã, duré ro'wapézé wedewara zapore norĩ, apâ Ezitu u te te ãma isimroi mono da, Zuzé te te sô isatõrĩ za'ra zé, te te 'madâ'â za'ra wamhã, ma tô Zaco hã apâ ãma pẽ'ẽhaptete.

Ezodu 17:6

Tawamhã wa hã wa za ẽtẽ nhisiwimhã asõ'remhã za, Sina'i na ẽtẽ nhisi ãmamhã. Tawamhã a hã te za ẽtẽ tõmo wawẽ hã i'azâ, ihawi â ipu'u da hã, da te âhuri da. Ãne ma tô Mozési hã 'manha, Izaraéu nhihudu nhib'ihâ'a norĩ nho'a.

Provébiu 15:30

Ni'wa ubu toi u'âsi na da te 'madâ'â wamhã, te za dapẽ'ẽ 'remhã ãma dama rowẽ waze. Duré rowasu'u wẽ hã da te wapari za'ra wamhã, dama rowẽ za'ra di.

Provébiu 25:26

 're ipu'u na'rata mono zéb ãma â 're isiwamnarĩ mono ne, te sena na 're ihâimana za'ra mono hã, iwasété norĩ hâimanazém na hã te te 're sasõmri za'ra.

Zuwã 7:37

Tawamhã irẽme ma dasi'rã'õtõ mono wa, ma tô Zezusi hã hâiwi za, te te dama rowahutu da, datozém na bâdâ ipire uptabi na. Ãne te tawamhã dama tinha: — 'Rubu wamhã, ma'ãpé we ĩtẽme 're anomro aba mono za, â u'â hã te aima 're sõmri za'ra wa'aba mono wa, 're âhuri aba mono da.

Roma 10:15

Duré, e niha te aré Zezusihi zadawa wasu'u'wa norĩ hã daro mono bâ datẽme 're nomro, imreme na te te 're dapawaptob za'ra mono da, 'Re ihâimana u'âsi mono hã te te datẽme 're satõrĩ za'ra mono õ nherẽ. Ãne wamhã, te te ãma 're dapawapto waihu'u za'ra mono õ di aré. Tane nherẽ, 'Re ihâimana u'âsi mono, ma tô te te datẽme 're satõrĩ za'ra tô. Duréihã Izaia hã ma tô ãne na ãma rob'ui'éré: “Rowasu'u wẽ hã nima hawi da te dama 're ãwisi za'ra mono wamhã, dama 're rowẽ uptabi za'ra mono di za.”

1 Timotiu 1:15

Ti'ai u ma tô wei mo, Cristu Zezusi hã, 're idanomro wasété mono hawi te te 're da'anho'reptui mono da. Ãne te dasima da te 're rowasu'u za'ra. Danhimirowasu'u hã tô sena wamhã, aihĩni ãma 're idasisaze za'ra mono da hã, ĩma wẽ di. Wa hã dawasété nhipai u, ĩwasédé hã sa'ẽtẽ uptabi di.

Apocalipsi 21:6

Tawamhã te duré ĩma tinha, ãne: — Tâibâ oto. Wa tô te ãma a'uwaimrami. Wa hã isãna'rata hawimhã marĩ õ ré hã, wa tô 're ĩhâimana u'âsi. Uburé marĩ hã si'utõrĩ pese nherẽ, wa hã marĩ zarina ĩsi'utõrĩ õ di za. Õne u'âsi, wa za 're ĩhâimana. Tawamhã ni'wam norĩ hã te te 're 'rubu za'ra mono wamhã, wa za â u'â hã te tãma 're õb za'ra, wa'âbâ ãna, da te 're âhuri mono wa, ĩsiré rowẽ na 're idanomro u'âsi mono zéb da hã.

Apocalipsi 22:17

'Re ihâimana u'âsi mono pẽ'ẽzani hã te Pone'ẽrebâi mro da me, dazô 're hârâ u'âsi zahuré, ãne: — We 're anomro aba mono, â u'âsi u. Tawamhã ni'wam norĩ hã ãne hã te te 're wapari za'ra mono wa, â u'âsi u 're nomro mono wamhã, te za duré ihârâ zahuré na dazô 're hãsi u'âsi. Da te 're 'rubu za'ra mono wa, da te 're i'âhuri mono ne, ni'wam norĩ hã te te sima 're wẽ za'ra mono wamhã, te za tô â u'âsi u 're nomro, te te 're âhuri u'âsi mono da, wa'âbâ ãna. Â u'â hã da te 're âhuri mono wa, 'Re ihâimana u'âsi mono 'rata 're idanomro u'âsi mono zé.