Provébiu 25:20 - ꞌRe Ihâimana Uꞌâsi Mono Zadawa Wasuꞌu

²⁰ Rowahâ zé bâtâ na ni'wai wi, i'uza da te tiwi iwazere ne, duré da'wa're, sa na da te ãma i'aba'ré ne, te za tiwi irobzei'õ ma hã taré pese danho're na hã tãma 're danho're za'ra.

Provébiu 25:20 ပူးပေါင်းရင်းမြစ်များ

Provébiu 10:26

Iwa'a hã marĩ te te 're 'manharĩ mono da, da te 're satõrĩ mono wamhã, aiwa â warĩrĩ vinagri te te 're ida'wanhihâ za'ra mono ne, duré unhama nhizé hã te te 're idatõmo rĩrĩ za'ra mono ne, te za dapẽ'ẽ 'remhã te te dawi 're ro'wa'ré za'ra.

Provébiu 25:19

Ropire hã dazô 're pusi mono wa, dama i'umnhasi'õ da te 're umnhasi za'ra mono wamhã, da'wa 're isiwamnarĩ za'ra mono ne, duré imorĩ'õ para'õtõ uwa na 're inomro mono ne, te ta hã marĩ dai õ na dama 're hâimana.

Provébiu 25:21

Asi'ru mram na hâimana wamhã, isa hã tãma sõmri; duré 'rubu na hâimana wamhã, â hã tãma sõmri.

Daniéu 6:18

Tawamhã apito tinhimiromhurizé 'ri 'rãihâ u hã ma tô apâ mo. Morĩ wamhã, sai õ di. Duré tãma dasima romhu'uzé hã te te waptẽrẽ õ di, te te 're i'manharĩ u'âsi mono ne hã. Duré tô taha mara na hã sõtõ waihu'u õ di.

Roma 12:15

Ni'wam norĩ hã toi uptabi na 're hâimana za'ra mono wamhã, isine te za 're atoi uptabi za'ra wa'aba mo, isiré. Duré ni'wam norĩ hã pẽ'ẽzé uptabi na 're hâimana za'ra mono wamhã, isine te za duré aipẽ'ẽzé uptabi na isarina 're aihâimana za'ra wa'aba mo.

Tiagu 5:15

Tawamhã Wanhib'apito umnhasi sina te te tiwi rowaptẽrẽ za'ra wamhã, Wanhib'apito te za tô sõ'reptu, ihâzé ré hã. Te za tô duré pese. Duré ihâzé ré hã tiwasédé te te 're ab'manharĩ mono nherẽ, iwasédé te te ãma 're ab'madâ'â mono õ di za tô oto.