Provébiu 25:2 - ꞌRe Ihâimana Uꞌâsi Mono Zadawa Wasuꞌu

² 'Re ihâimana u'âsi mono hã dama iwaihu'u'õ te te wawi 're isuwa za'ra mono zarina, wa wasiwi wa te 're wazé pese. Duré dama ipire norĩ te te marĩ wama 're iwasu'u hâi'ré za'ra mono zarina, wa duré wa te wasiwi 're wazéb za'ra.

Provébiu 25:2 ပူးပေါင်းရင်းမြစ်များ

Esdra 4:15

dama 'ru da, aihi'rata norĩ wasu'u ré ibaihâ mono hã da te sabu za'ra mono da. Ãne 'manharĩ wamhã, te za i'upsibi me, 'ri nho'u Zeruzalẽ ãma a'uwẽ õne u'â tinhib'apito te te siwi 're iwapari õ u'âsi za'ra mono na, duré duréi romna'rata hawi, apito norĩ ma, duré daza'rui wa'õtõ mono bâ dama i'rãnho'õmo norĩ ma, we marĩ te te 're isani za'ra mono na. Tawamhã duré nimahã na taha zarina ma tô dasiwi 'ri prum ni.

Esdra 4:19

Tawamhã wa tô, dama ti'ru, ibaihâi 're Zeruzalẽ wasu'uzéb ré zô, darĩtĩ za'ra da. Tahawa, duréi romna'rata hawi, Zeruzalẽ ãma apito norĩ zada 're idahâimana za'ra mono zé wasu'u hã, duré marĩ wasété téb ré u'âsi 'wa na ahâ uptabi na we 're ihâimana u'âsi za'ra mono zé wasu'u hã ma tô dasiwi upsibi me ni.

Esdra 5:17

“Tahawa, apito, ãne hã aima wẽ wamhã, ma'ãpé dama 'mai'ru na, Babilonia ãma dahi'rata norĩ wasu'uzéb ré ibaihâi mono hã da te sabu za'ra da, apito Ciru hã sena na te te i'ruzéb zô, Zeruzalẽ ãma 'Re ihâimana u'âsi mono nhorõwa 'ri apâ da te dasiwi i'rizéb da hã. Taha parip si, te za we wama asiwasu'u za'ra, niha na ãma asima irowairébézém na hã.”

Esdra 6:1

Tawamhã apito Dariu ma tô dama ti'ru, Babilonia ãma ibaihâ nhimi'warazéb ãma dahi'rata norĩ wasu'u na romnhihâtâ mono na sô darĩtĩ za'ra da hã, Ciru hã 'ri te te dama i'ruzéb zô tinhimiromnhihâtâ na.

Provébiu 25:27

Ropĩ da te 're i'upsõmri hâ za'ra mono hã wẽ õ di. Tane duré wẽ õ di, ni'wai ãma dawata zô simire sina 're imorĩzé hã.

Provébiu 25:3

Apito nhimirosa'rada hã dama waihu'u õ di. Hâiwa duré ti'a zahâpâ uptabi hã romhâ uptabi wa, da te i'uwe waihu'u õ ne, dama waihu'u za'ra õ di, apito nhimirosa'rada hã.