Provébiu 24:8 - ꞌRe Ihâimana Uꞌâsi Mono Zadawa Wasuꞌu

⁸ Ni'wa hã marĩ iwasédé te te 're i'manharĩ mono da si, te te sima 're irosa'rata u'âsi mono, te za ro'wa'rutu poto'wa na da te 're waptẽrẽ za'ra.

Provébiu 24:8 ပူးပေါင်းရင်းမြစ်များ

Provébiu 14:22

E i'uwaibaba õ di bété, marĩ iwasété na si da te 're irosa'rata za'ra mono zarina, 're idasisimini za'ra mono zé hã. Tô i'uwaibaba. Tane nherẽ, marĩ iwẽ na si te te sima 're irowa'õtõ za'ra mono norĩ hã te za da te 're isawi za'ra mono zé hã, duré dasina da te 're i'umnhasi za'ra mono zé hã te te sina 're uwaimrami za'ra.

Provébiu 24:2

Ta norĩ hã te te dama 're irob'manharĩ wasété za'ra mono da si, te tô te te sima 're rosa'rata za'ra. Te te da'ãma 're iro'wa'rutu za'ra mono na si te duré sima te te 're robzanhamri za'ra.

Provébiu 24:9

Hâimana nhimiza'rese ãna 're ihâimana za'ra mono norĩ nhimirowa'õno hã ta hã dawasédé. Duré da'ãma 're iwa'ẽi za'ra mono norĩ hã, uburé dama 'ru za'ra di.

Provébiu 6:14

Simirosa'rata wasété na 're hâimana za'ra mono wa, te õne u'âsi te te sima 're rowa'õtõ za'ra, marĩ te te 're i'manharĩ wasété za'ra mono zéb da hã. Te duré ro'wa'rutuzém na hã ropâ te te dama ãma 're ropé.

Roma 1:30

Daza're'ra nherẽ, te duré ta norĩ hã te te sima 're dabâsi wasété za'ra. 'Re ihâimana u'âsi mono hã te te duré siwi 're 'ruiwapari. Te duré te te dama 're nharĩ wasété u'âsi za'ra. Danhipai u dama pire na dama 're hâimana za'ra mono newa, te 'râwi tipẽ'ẽ na sina 're wata za'ra. Tahawa, te sõ'awi timreme na dama 're siwasu'u za'ra, marĩ tãma iwaihu'u pese za'ra na. Marĩ te te 're iwaihu'u za'ra mono zéb zarina si te te 're 'manharĩ za'ra, marĩ iwasétére hã. Timama norĩ nhimiroti hã te te 're wapari za'ra mono õ di duré.