Provébiu 24:7 - ꞌRe Ihâimana Uꞌâsi Mono Zadawa Wasuꞌu

⁷ Rowaihu iwẽ hã isimiza'rese'õ norĩ ma hã pire uptabi di, te te 're iwaihu'u za'ra mono da hã. Tawamhã dasi'rã'õtõ ãma niha na robzanhamri ãma hã te te 're inharĩ waihu'u za'ra mono da hã mare di.

Provébiu 24:7 ပူးပေါင်းရင်းမြစ်များ

Salmu 10:5

à hã aibâ iwasédé hã, sima hã te uburé marĩ i'uwaibaba na si, te te 're ab'manharĩ. Tane nherẽ, 'Re ihâimana u'âsi mono te te da'ãma irowairébézém na hã te te ãma rosa'rata waihu'u õ di. Te duré tinhitob'ru norĩ ãma hã 're wa'ẽi u'âsi.

Provébiu 14:6

Uburé marĩ na da'ãma 're iwa'ẽ za'ra mono ti'rãi waihu'u wẽ zô 're isi'wapé za'ra mono norĩ hã, niha hã ti'rãi waihu'u wẽ na tihâimanazé te te 're isõpẽtẽ za'ra mono da hã, mare di. Tane nherẽ, simiza'rese wẽ na 're ihâimana za'ra mono norĩ ma hã wapure di, te te 're iwaihu'u za'ra mono da hã.

Provébiu 15:24

Isimiza'rese wẽ norĩ hã bâdâdi na rowẽ na 're idahâimana hâ za'ra mono zém na si te 're nomro. Bâdâdi, 're idadâ'â za'ra mono zép te na 're inomro mono da hã mare di.

Provébiu 17:16

Isimiza'rese'õ norĩ rowaihu'u wẽ tãma 're hâimana za'ra mono da, rob'uiprazé te te ãma 're i'uprosi za'ra mono hã marĩ dai õ di. E marĩ wa. Ta norĩ hã tô te te waihu'u za'ra dai õ wa.

Provébiu 17:24

Isimiza'rese wẽ, te za ti'rãi waihu'u wẽ zô si sima 're sõpré. Tane nherẽ, isimiza'rese'õ te za titõmo na marĩ te te sima 're wẽ ahâ za'ra, misi haré te te sima 're pisutu za'ra mono ãna.

Provébiu 17:7

Isimiza'rese'õ, damreme iwẽ na te te inharĩzéb da hã te te wazari õ di, niwa ãma hâimana õ wa. Duré dama iwazém norĩ hã dazadawa nhipese na rowasu'u hã te te wazari õ di.

Provébiu 22:22

Isimarĩ'õ norĩ wi, simapa waihu'u õ wẽ te, tiwi 're arĩ mono tõ, isimarĩ hã. Duré da'ãma rowairébézéb ãma, isipawapto waihu'u õ norĩ ma hã tãma 're arob'manharĩ mono tõ.

Provébiu 28:5

Iwasété norĩ ma hã waihu'u za'ra õ di, i'uwaibaba na da te dama 're irowairébé za'ra mono zé hã. Uburé Danhib'apito hawim na si 're hâimana za'ra mono da, sima sô 're isõpré mono norĩ ma si, tãma waihu'u pese za'ra di.

Provébiu 31:23

Imro hã te 'ri nho'õmo 're, 're idahâimana za'ra mono norĩ ma, wazé pese na 're hâimana, dama ipire norĩ siré.

1 Corĩtu 2:14

'Re ihâimana u'âsi mono pẽ'ẽzani te te wama 're i'aroti mono zé hã, te isazei'õ'wa norĩ hã te te siwi 're wẽ'õ pese za'ra, taré newa, 'râwi si'uihâ na rosa'rada hã te te ãma waihu'u pese za'ra õ wa, ta norĩ hã. 'Re ihâimana u'âsi mono pẽ'ẽzani, ipẽ'ẽ 're, tãma 're hâimana za'ra mono õ nherẽ, te te ãma 're waihu'u za'ra mono õ di tô. 'Re ihâimana u'âsi mono pẽ'ẽzani na si, te za da te ãma 're waihu'u za'ra.