Provébiu 24:4 - ꞌRe Ihâimana Uꞌâsi Mono Zadawa Wasuꞌu

⁴ I'rãi waihu'u wẽ nhorõwa 'remhã 'ri 're wa'õtõ mono na hã te marĩ i'madâ'â ze si duré iwa'âbâ za'ẽtẽ si 're simasa.

Provébiu 24:4 ပူးပေါင်းရင်းမြစ်များ

Neemia 10:39

'Re ihâimana u'âsi mono nhorõwa 'ri wa, marĩ mono siwazari 're isimi'wara mono ãma, sasedoti norĩ niha bâtâ na te te 're romhuri za'ra mono wa, 're isimi'wara mono zéb ãma, 'ri 'madâ'â'wa norĩ 're isimi'wara mono zéb ãma, tô taha 'ri wa, isõ're'wa norĩ 're isimi'wara mono zéb ãma, te za Izaraéu nhihudu norĩ hã, levita norĩ hã amnho, duré uwa 'rãi wa'u isé hã te te 're sõmri za'ra. Ãhã nherẽ, wate 'Re ihâimana u'âsi mono nhorõwa 'ri hã 'ri pese ãna wa te wasiwi 're irẽme mono da hã mare di za.

Provébiu 15:6

Wẽ na 're ihâimana mono nhorõwa 'remhã te marĩ ahâ na hã 're simi'wara. Tazahã, iwasété norĩ ma, te isimarĩ tãma 're ihâimana za'ra mono hã ropire te te tãma 're sõmri za'ra.

Provébiu 20:15

Ẽtẽ waipo pré oru hã ahâ na te 're hâimana za'ra, duré ẽtẽ waipo iwa'âbâ za'ẽne hã. Tane nherẽ, da'rãi waihu'u wẽ zarina damremezé hã iwa'âbâ za'ẽtẽ uptabi, ta hã.

Provébiu 21:20

I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 24:5

'Rãiwaihu'u na 're ihâimana mono hã wẽ uptabi di, danhiptete nhipai u hã. Duré danhimiza'rese na dahâiba hã pire uptabi di, danhiptete nhipai u.

Provébiu 8:18

Ĩhawip si danhimarĩ pe, dawazébzé hã, duré 're idasisimarĩ ahâ pese za'ra mono zé hã.

Provébiu 8:21

Ĩzawi pese 'wa norĩ hã wa te te 're pisutu u'âsi za'ra, 're simarĩ ahâ pese za'ra mono da hã. Wa duré isimirob za'ra zé isõrõwa 'remhã te tãma ãma 're a'rinhito.

Mateu 13:52

Tawamhã ãne te duré tãma rowasu'u za'ra, Zezusi hã: — Wa za duré aima ãma romnhimiré'é za'ra wa'wa, ãne. Ãté 'ri tede'wa te za marĩ iwẽ hã te te 're azani, 'ri 're wa'wa ãma 're iromnhimi'wara mono zém hawi, te te dama 're anhomri mono da. E tawamhã marĩ i'ratare si te za te te dama 're azani. Mare di. Marĩ itéb zama te za duré te te dama 're azani, te te dama 're anhomri mono da. Tane duré, ni'wam norĩ hã 'Re ihâimana u'âsi mono nhimiroti waihu'u pese 'wa norĩ hã da'ãma 're isib'a'uwẽ mono zé wasu'u te te waihu'u pese za'ra wamhã, ta norĩ hã te za isimiroti itéb zama te te dama 're waihu'u za'ra, isimiroti 'rata me.