Provébiu 24:34 - ꞌRe Ihâimana Uꞌâsi Mono Zadawa Wasuꞌu

³⁴ Tane nherẽ, asõtõ ré, te za ro'wa na isimisaihuri te te 're idasusi za'ra mono ne, 're asimarĩ mono õ zé hã oto asusi.

Provébiu 24:34 ပူးပေါင်းရင်းမြစ်များ

Provébiu 10:4

Tinhib'rata na iwa'a norĩ te te 're iromhuri za'ra mono õ hã te za tinhimarĩ na hã te te ãma siwi 're ti'awi pese za'ra. Tane nherẽ, ni'wa siptete na tinhib'rata na te te 're iromhuri pese mono si te za tinhimarĩ hã te te ãma sima 're azani.

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 18:9

Ni'wa isimiromhuri 'wamnha'a hã aiwa dawi marĩ wamnarĩ'wa ne hã te 're hâimana.

Provébiu 24:33

Ãté ãne te za inha, “Suru na wa za a'â nhono. Duré wa za nasi a'â ĩnhamra sina ĩ'rãi waptã'ãre, aptâ'â zé te. Wa za duré a'â ĩsitété sina suru na ĩwa'utu da hã nomro.”

Provébiu 25:1

à hã Salomahã nhimirowaihu'u wẽ zé hâiba amo, Zuda ti'ai wa'õtõ nho'õmo 're, apito Ezequiaha nhib'a'uwẽ te te i'rã'õtõ za'ra zé hã ãne:

Provébiu 28:19

Ni'wa tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, te za simarĩ õ u'âsi 're hâimana.

Provébiu 6:10

Iwa'a te za ãne tinha: “Wa za a'â nhono suru na. Wa za a'â ĩsitété sina suru na ĩwa'utu da hã nomro.”

Provébiu 6:11

Tawamhã nomro ré, te za simarĩ ãna ihâimanazé hã sô wi, ro'wa na isimisaihuri dazô 're isihutu mono ne, te te susi da.