Provébiu 24:24 - ꞌRe Ihâimana Uꞌâsi Mono Zadawa Wasuꞌu

²⁴ Ni'wa marĩ na upai'wa nherẽ, i'upai'õ'wa na te te dama wasu'u wamhã, te za da te tãma 're inharĩ wasété za'ra mono zé hã sina 're adu. Te za duré uburé sina da'anhiti'ru zani.

Provébiu 24:24 ပူးပေါင်းရင်းမြစ်များ

Provébiu 11:26

Ni'wa hã amnho zub'a trigu wa'â te te sina hâimo da, te te dawi 're itété mono hã te za da te tãma 're nharĩ wasété za'ra, isõti na hã. Tane nherẽ, te te dama 're i'awede su'u mono ãma hã te za ãma 're dawata za'ra, isõprum na hã.

Provébiu 17:15

Uburé Danhib'apito ma hã maparane tãma iwẽ'õ pe hã te 're hâimana zahuré: Iwẽ norĩ ãma iwasédé hã, da te ãma 're isa'ra mono hã wẽ nherẽ, duré iwasété norĩ marĩ na te te 're upa za'ra mono nherẽ, wẽ na da te 're iwasu'u za'ra mono, marĩ 'manharĩ'õ'wa na.

Provébiu 28:27

Ni'wa isimarĩ'õ ma, tinhimarĩ te te 're anhomri mono wamhã, marĩ zô tiwi 're iro'wanhi'riti mono da hã mare di. Tane nherẽ, ni'wa isimarĩ'õ te te 'madâ'â tõ da, tiwi 're u'rata mono wamhã, te za ropipa hã da te tãma 're pisutu.

Provébiu 30:10

Niwamhã isib'ihâ'a ma, romhuri'wa 're wasu'u wasété mono tõ, ta hã te te aima rob'manharĩ wasété tõ da, duré ãne zarina marĩ na i'upai'wa na 're aihâimana mono tõ da, a hã.