Provébiu 24:14 - ꞌRe Ihâimana Uꞌâsi Mono Zadawa Wasuꞌu

¹⁴ tane te duré asimirowaihu'u wẽ hã aipẽ'ẽzani ma, ise ne hã 're hâimana. A hã ãne na asina 're uwaimrami mono wamhã, te za iwẽ hã aima 're hâimana. Duré marĩ iwẽ aima 're hâimana mono da, sô 're i'asimipari mono hã niwamhã isimini da hã mare di.

Provébiu 24:14 ပူးပေါင်းရင်းမြစ်များ

Salmu 119:103

Aimreme hã te aiwa marĩ isei uptabi ne, 're hâimana. Tô sei uptabi di, ropĩni nhipai u hã.

Salmu 119:111

Asimiroti hã te ĩnhimarĩ pese zém ne hã õne u'â ĩma 're hâimana. Ta hã te duré 're ĩpẽ'ẽ toi mono zém na ĩma 're hâimana.

Provébiu 16:24

Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 2:10

Ãne wamhã, ai'rãi waihu'u wẽ na te za sena na 're aihâimana mo. Tawamhã te za asimiza'rese wẽ zém na hã aipẽ'ẽ 'remhã asima irowẽ waze.

Provébiu 22:18

'Re i'awaihu'u mono na, ãma 're asipo're pu'u u'âsi mono wamhã, aima 're rowẽ uptabi mono di za.

Provébiu 23:18

Ãne 're aihâimana mono wamhã, te za iwẽ hã aima 're hâimana. Duré marĩ iwẽ aima 're hâimana mono da, sô 're i'asimipari mono hã niwamhã isimini da hã mare di za.

Mateu 19:21

Tawamhã Zezusi te asa tãma tinha, ãne: — Rowẽ na 're aihâimana mono zéb zô, 're rosa'rata mono wamhã, mo oto aimorĩ, uburé asibro hã dama wede mono da, da te aiwi i'uipra za'ra zé rob'uiprazé hã isibrob'õ norĩ ma, sõmri mono da. Tawapsi asibro pese di za, hâiwa ãma. Taha parip si te za we apâ ĩtẽme hã aimo, ĩsiré 're aimorĩ da oto.

Tiagu 1:25

'Re ihâimana u'âsi mono nhimiroti hã wẽ uptabi di. Ta hã wapawapto'wa da, te wama 're hâimana, wawasédé, wa te 're irẽme pese za'ra mono zéb da hã. Tawamhã isimiroti na da te 're rosa'rata pese za'ra mono wamhã, duré õne u'âsi ãma 're dahâimana za'ra mono wamhã, taré imreme wapari'wa 're danomro mono õ di za. Tô sena imreme wapari pese 'wa, te za oto 're danomro. Taha zarina rowẽ u'âsi te za ãma 're dahâimana za'ra.