Provébiu 24:13 - ꞌRe Ihâimana Uꞌâsi Mono Zadawa Wasuꞌu

¹³ Ĩ'ra, ma'ãpé ropĩ hã 're 'mai'upsõmri u'âsi mono, wẽ uptabi wa. Mohõnire sara hawi ipĩni wa'u a'a hã te te 're i'asoto zei pese mono ne,

Provébiu 24:13 ပူးပေါင်းရင်းမြစ်များ

Salmu 119:103

Aimreme hã te aiwa marĩ isei uptabi ne, 're hâimana. Tô sei uptabi di, ropĩni nhipai u hã.

Salmu 19:10

Sô rob'ruiwapari za'ẽtẽ uptabi di, ẽtẽ waipo pré oru nhipai u, tô oru iwazari'õ iwẽ uptabi nhipai u. Duré ropĩni ise nhipai u, tô ropĩ iwazari'õ ise uptabi nhipai u te 're hâimana, isimiroti hã.

Provébiu 16:24

Damreme iwẽ hã aiwa ropĩ isei uptabi ne te 're hâimana, dapẽ'ẽzani ma hã. Duré dahâiba pesezéb da hã wẽ uptabi di, damreme iwẽ hã.

Provébiu 25:16

Ropĩni hã 'mai'upsõmri za'ẽtẽ tõ, asõ'o'o õ'umnhasite.

Provébiu 25:27

Ropĩ da te 're i'upsõmri hâ za'ra mono hã wẽ õ di. Tane duré wẽ õ di, ni'wai ãma dawata zô simire sina 're imorĩzé hã.

Provébiu 27:7

Ni'wa, te te 'mahâiwĩrĩ wamhã, ropĩ hã te za tô wẽ'õ. Tane nherẽ, ni'wai ma, mrab uptabi wamhã, te za dasa hã sé nherẽ, ise na hã tãma tihâiba.

Mateu 3:4

Zuwã hã awaru ba'õmore zéré 'manharĩ na te 're si'uza. Duré romhâ 'manharĩ hâiwaré na te 're si'usisi. 'Riti na si te duré 're sa. Rom na ropĩni na zama hã te duré 're sai mono.

Zuize 14:9

Tawamhã tinhib'rata na ma tô ipĩ hã sima 'maiwaze. Taha pari ma tô oto duré mo, bâdâdi na te te upsõmri mono sina. Tawamhã imama norĩ, ina me ihâimana zahuré zéb u oto wisi wamhã, ma tô ipĩ hã suru na tãma sõmri zahuré. Tahawa, ma tô duré imama norĩ, ina me hã upsõmri zahuré si'u. Tane nherẽ, te te tãma wasu'u zahuré õ di, hu'u zérépa dâ'â hâiba hawi mohõnire pĩ te te iwazere na hã.

1 Samuéu 14:27

Tane nherẽ, Zonata hã te te wapari õ di, imama Izaraéu nhihudu norĩ ma te te iwaihu'uzé hã. Tahawa, ma tô tinhib'rata wedehu te te 're i'âri hã, ropĩni zadawa u hã sô wẽ, te te ãma 'rãsutu di'i da, ropĩni na hã. Tawamhã ma tô oto upsõ suru na. Te te upsõmri wamhã, ma tô awa'awi niha na hã siwaihu'u tãma irowẽzém na hã.