Provébiu 23:30 - ꞌRe Ihâimana Uꞌâsi Mono Zadawa Wasuꞌu

³⁰ Ã hã âzézei'wa. Ã hã te âzé hã marĩ na da te 're iwazari mono zô hã 're mo, taha zô si sima 're rĩtĩ mono wa.

Provébiu 23:30 ပူးပေါင်းရင်းမြစ်များ

Zenezi 9:21

Tawamhã nimahã bâtâ na uwa'ru 'rãi wa'u isé na ma tô ãma si'rãiwamna. Tahawa ai'uréiwi, romhâ 'manharĩ na tinhorõwa 'remhã ma tô nomro.

Provébiu 20:1

Ni'wa â wa're te te 're hâsi za'ẽtẽ mono wamhã, te za da'ãma 're wa'ẽ. Duré â siwamnarĩ te te 're ihâsi mono zarina, te za dasi'ahâri hã te te 're azani. Â siwamnarĩ ma isib'uwa norĩ hã isimiza'rese wẽ tãma 're hâimana za'ra mono õ di.

Provébiu 23:20

Âzézei'wa norĩ siré, duré isa zahâri'õ norĩ siré 're ane mono tõ.

Provébiu 9:2

Ma tô danhimizama hã te te simro, datoi u dasazéb da hã. Uwa 'rãi wa'u isé, da te iwazari da hã, ma tô duré siwi wa'u. Duré ma tô siwi sõré, dasaihurizéb da hã.

Éfézu 5:18

Âzé na 're asi'rãiwamnarĩ za'ra wa'aba mono õ di za oto, taha zarina siwa'ru 're anomro wasété aba mono tõ da. Wanhib'apito pẽ'ẽzani nhimiwada'uri na si te za oto 're aihâimana za'ra wa'aba mo, robze sina ãma 're anomro aba mono da oto.

1 Samuéu 25:36

Tawamhã Abigaiu ma tô mo apâ, timro Nabauhu u hã. Ta hã dasa isa'ẽne hã apito te te sima 're i'manharĩ za'ra mono ne, 'ri paramhã te te 'manharĩ ré, ma itẽme wi, imro hã. Tahawa, ma tô si'rãiwamna. To ti duré. Tawamhã imro Abigaiu niha hã marĩ te te tãma wasu'u õ di. Awẽm na isi'rãiwamnarĩ zahu õ zéb ãmap si ma tô uburé tãma wasu'u. Tahawa, ma tô õne haré timorĩ'õ, siri siwamnarĩ wa.