Provébiu 23:29 - ꞌRe Ihâimana Uꞌâsi Mono Zadawa Wasuꞌu

²⁹ E 'wa hã bété hâzé te, 're isadari mono 'wa hã. Duré e 'wa hã robzei'õ na si 're ihâimana mono. E 'wa hã bété 're si'wapéi u'âsi mono wa, 're isiwapsari mono 'wa hã. E 'wa hã bété 're ito pré pusi u'âsi mono hã, duré da te 're i'u'a mono 'wa hã ãne na hã 're hâimana mono dai õ nherẽ, aré.

Provébiu 23:29 ပူးပေါင်းရင်းမြစ်များ

Zenezi 19:33

Tawamhã tô taha mara na, ma tô uwa 'rãi wa'u isé hã timama ma tãma õb zahuré. Tahawa i'ra dub'rada ma tô oto iré nomro. Tawamhã imama 'rãi wasété uptabi ré wa, i'ra i'rata nomro ré hã, duré apâ ihawi wahutu ré hã te te waihu'u õ di, 'rãihâ za'õtõ ré wa.

Zenezi 49:12

Tawamhã te za duré uwa 'rãi wa'u isé te te 're ihâsi u'âsi mono zarina, 're topré pusi, Zuda hã. Te za duré powawẽ hâiwa'u te te 're hâsi u'âsi mono zarina 're 'wa'ã'a.

Provébiu 20:1

Ni'wa â wa're te te 're hâsi za'ẽtẽ mono wamhã, te za da'ãma 're wa'ẽ. Duré â siwamnarĩ te te 're ihâsi mono zarina, te za dasi'ahâri hã te te 're azani. Â siwamnarĩ ma isib'uwa norĩ hã isimiza'rese wẽ tãma 're hâimana za'ra mono õ di.

Provébiu 23:20

Âzézei'wa norĩ siré, duré isa zahâri'õ norĩ siré 're ane mono tõ.

Provébiu 23:21

E marĩ wa. Âzézei'wa norĩ hã, duré mra'wa norĩ hã 're sisibrob'õ za'ra mono wa. Duré aptâ'â si te te 're i'manharĩ u'âsi za'ra mono zarina, te ti'uza waima na si 're si'uza za'ra.

Éfézu 5:18

Âzé na 're asi'rãiwamnarĩ za'ra wa'aba mono õ di za oto, taha zarina siwa'ru 're anomro wasété aba mono tõ da. Wanhib'apito pẽ'ẽzani nhimiwada'uri na si te za oto 're aihâimana za'ra wa'aba mo, robze sina ãma 're anomro aba mono da oto.