Provébiu 23:26 - ꞌRe Ihâimana Uꞌâsi Mono Zadawa Wasuꞌu

²⁶ Ĩ'ra, te aima 're iroti mono zé ma hã ma'ãpé 're aipo're pese mono. Duré 're ĩhâimana wẽ mono zéb zarina si 're aihâimana mono.

Provébiu 23:26 ပူးပေါင်းရင်းမြစ်များ

Salmu 1:2

Uburé Danhib'apito nhimiroti na si te tãma 're irowẽ mono zé hã 're hâimana. Taha na si te bâtâ na hã duré bara na zama te te ãma 're romnhoré u'âsi.

Salmu 119:2

'Re ihâimana u'âsi mono nhimiroti, tipẽ'ẽ 're te te sima 're itété za'ra mono norĩ si, te to sina 're hâimana za'ra, te te duré 're iwapari pese za'ra mono norĩ si.

Salmu 119:24

Asimiroti na ãma ĩma rosa'rata zei uptabi di. Ta hã ĩma 're iroti mono 'wa na, te ĩma 're hâimana za'ra.

Provébiu 3:1

Ĩ'ra, ĩnhimiroti na hã aipo're si'âri tõ. Aipẽ'ẽ 're asima tété.

Provébiu 4:23

Ma'ãpé marĩ na asimirosa'rata na hã ãma 're pibui pese mono. E marĩ wa. Asimirosa'rada hã aihâimanazé zaprõni'wai wa.

Provébiu 4:4

ma tô ĩmama hã te te ĩma 're roti ãne: — Ma'ãpé uburé aipẽ'ẽ na ĩmreme hã asima 're tété u'âsi mono, niwamhã ãma aipo're si'âri ãna. Ãne na ãma 're aihâimana mono wamhã, te za rowẽ na si 're aihâimana mo.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.

2 Corĩtu 8:5

Wa norĩ hã ãne zô, wanhimipari õ nherẽ, ma tô Wanhib'apito ma uimrehẽne sisõmri za'ra ta norĩ hã, taha ma si 're hâimana za'ra mono da. Taha zarina, ma tô duré wama sisõmri za'ra, te te wapawaptob za'ra da, 'Re ihâimana u'âsi mono te te tãma ipisutu za'ra zéb zarina hã.

2 Pedru 1:19

Marĩ, wa te isabu za'ra zéb zarina, wa tô waihu'u za'ra ni, tô sena na Danho'reptui'wa na 'Re ihâimana u'âsi mono zadawa 'mahârâ 'rata 'wa norĩ te te dama 're irowasu'u za'ra mono zém na hã. Awẽ u te za wasi wawẽ hã 're pusi, dama rowa'a'wa da, isimirowa'a zarina ãma 're danomro wẽ mono da. Tane wapawapto'wa da, te wama 're hâimana, isadawa 'mahârâ'wa norĩ nhimirowasu'u hã, ãma 're iwanomro wẽ mono zéb da hã. Ãne wamhã, te za ãma 're irosa'rata u'âsi za'ra wa'aba mo.