Provébiu 23:2 - ꞌRe Ihâimana Uꞌâsi Mono Zadawa Wasuꞌu

² Sa'ẽtẽ hã asa tõ, mram nherẽ.

Provébiu 23:2 ပူးပေါင်းရင်းမြစ်များ

Zenezi 27:14

Tawamhã Zacoho ma, ina tãma sadahutu õ wa, te oto sô mo. Tahawa, ma tô pone'ẽrebâ zéré uzé 'ra hã timra. Duré ta norĩ hã ma tô oto tina ma mrami zahuré. Taha na Izaqui te te sima iwẽzéb zarina dasa ise na ma tô ãma tãma 'manha.

Provébiu 23:1

Dama ipire siré asa da, isiré asãmra wamhã, õhõ ãma hã aipo're si'âri õ di za, taréi õ wa, ta hã.

Provébiu 23:20

Âzézei'wa norĩ siré, duré isa zahâri'õ norĩ siré 're ane mono tõ.

1 Corĩtu 9:27

Ni'wa hã dame wara da, te te sima wẽ wamhã, te za 're siwasutu u'âsi, dazada siptete da. Tane, wa duré wa hã 'râwi 're ĩsi'wapéi u'âsi, ĩwasété na 're ĩhâimana 'rata mono zéb zarina, 're ĩhâimana tõ mono da oto. Ĩpẽ'ẽ 're, te ĩsima 're irosa'rata wasété mono zé hã wa tô oto 'râwi te ĩsima 're a'uprosi. Tahawa, wa tô ãne si te ĩsima 're ab'manharĩ, ĩnhimirowasu'u zarina, da'ahâ na da te 're saze za'ra mono nherẽ, 'Re ihâimana u'âsi mono, iwẽ uptabi hã te te ĩma pisutu nherẽ, 'râwi te ĩsiwi simini tõ da.

Filipu 3:19

Ta norĩ hã 'Re ihâimana u'âsi mono nhiti, dapẽ'ẽ 're dadâ'â u'âsi ne 're idahâimana za'ra mono zéb u, te za 're nomro, ropipa u. E marĩ wa. Ta norĩ hã te te sima 're iwẽ za'ra mono zéb uwaibaba si, te marĩ hã tihâiba ma te te 're 'ruiwapari za'ra, 'Re ihâimana u'âsi mono upana. E ta norĩ hã tihâimana wasété na 'râwi 're siwẽ'õ za'ra mono ã bâ, te bété sina 're wata za'ra, 're ihâimana wẽ uptabi za'ra mono na hã. Ti'ai ãma uburé marĩ hã iwasété na si, te ta norĩ hã te te sima 're rosa'rata wasété u'âsi za'ra.