Provébiu 23:15 - ꞌRe Ihâimana Uꞌâsi Mono Zadawa Wasuꞌu

¹⁵ Ĩ'ra, ai'rãi waihu'u wẽ na 're aihâimana mono wamhã, ĩma hã 're rowẽ uptabi mono di za.

Provébiu 23:15 ပူးပေါင်းရင်းမြစ်များ

Provébiu 1:10

Ĩ'ra, aibâ iwasété norĩ zadawa para marĩ 'manharĩ da, te te siwi aipibui wamhã, sadawa zamarĩ za'ra tõ, tô'ã!

Provébiu 10:1

Da'ra i'rãi waihu'u wẽ, te za tihâimanazém na timama ma hã te te ãma 're rowẽ zani pese. Tane nherẽ, da'ra isimiza'rese'õ niha na 're ihâimana mono hã te za tina wi te te ãma 're robzei'õ zani.

Provébiu 15:20

Da'ra i'rãi waihu'u pe hã te za timama ma, te te ãma tãma 're rowẽ zani. Tane nherẽ, da'ra isimiza'rese'õ hã te za tarére na tina te te 're i'madâ'â mono zarina hã iwazéb õ na 're hâimana.

Provébiu 2:1

Ĩ'ra, wa hã te aima 're iroti mono zé hã awaihu'u mono. Duré aipẽ'ẽ 'remhã asima tété.

Provébiu 27:11

Ĩ'ra, ai'rãi waihu'u wẽ na hã 're aihâimana mono. Tawamhã ĩma 're rowẽ mono di za. Duré ãhã wamhã, ĩma waihu'u pese di, ĩma ipẽtẽ'wa norĩ ma, niha na iwẽ na te ãma 're i'azada'âbâ mono da hã.

Provébiu 29:3

Aibâ ti'rãiwaihu'u wẽ te te sima 're isawi mono na, te za timama ma hã te te ãma tãma 're rowẽ zani. Tane nherẽ, ni'wa pi'õi wasété ãma si 're morĩ wamhã, te za tinhimarĩ hã taré pese te te siwi ãma 're a'uprosi.

Provébiu 4:1

Ĩ'ra norĩ, aimama nhimiroti hã 're wapari pese za'ra wa'aba mono. 'Re asimipari pese za'ra wa'aba mono wamhã, te za asimirowaihu'uzé iwẽ hã 're iwaihu'u za'ra wa'aba mo.

Mateu 9:2

Tamomo ma tô ni'wam norĩ hã we siwi ti'â, imorĩ'õ hã isimiwaptâ ré. Imorĩ'õ za te te ipesezém na hã ma tô ãma siwi umnhasi, Zezusi hã. Tawamhã Zezusi hã taha na ma tô sina simirosa'rata waihu'u za'ra, aibâ norĩ hã. Tahawa, te imorĩ'õ ma tinha ãne: — Ĩsiwadi, aiwi robzei'õ tõ. Aiwasédé hã 're i'ab'manharĩ wasété mono zé hã te ai'ãma 're ab'madâ'â mono õ di za oto.

Luca 15:32

Uburé wama rowẽ za'ra wa, wa tô dasa hã dama 'manha, ĩ'ra hã iwisizém na. Ano hã dâ'â newa. Tane nherẽ, dâ'â õ di. Ma tô aré ãma ropsisa'rese'õ. Tane nherẽ, ma tô we apâ wi.” Ãne ma tô ti'ra ma waihu'u.

Zuwã 15:11

— Ãne wa tô aima roti za'ra wa'wa, ĩsine robzei u'âsi 're anomro aba mono da, duré ĩsine aipẽ'ẽ 're, 're atoi uptabi za'ra wa'aba mono da.

Zuwã 21:5

Tawamhã ma tô 'mahârâ za'ra, ãne: — Ĩsisãnawã norĩ, e ma tô i'mai'âri za'ra wa'wa, tebe hã. Tawamhã asa ma tô ãma sada'âbâ za'ra, ãne: — Mare di. Wa te 'mai'âri za'ra õ di. Â baba di.

1 Zuwã 2:1

Ĩ'ra norĩ, ĩma asawi pese za'ra wa'aba norĩ hã, e marĩ da, wa ãne na aima rob'ui'éré za'ra wa'wa. Aiwasété ãna oto ãma 're aihâimana za'ra wa'aba mono zéb da hã, wa ãne ĩnhimi'ui'éré na ãma aipo're pu'u za'ra wa'wa. Tane nherẽ, aiwasédé hã 're 'manharĩ za'ra wa'aba mono wamhã, 're 'manharĩ za'ra wa'aba mono nherẽ, Zezu Cristu hã 're imorĩ wẽ uptabi hã te za ai'ãma 're sisaprĩ za'ra wa'wa, tinhimiroti wẽ na. Timama ma, te za ãne te te 're aiwasu'u za'ra wa'wa, Zezusi hã: “Ã norĩ hã, tiwasédé te te 're 'manharĩ za'ra mono wa, asiwi 're awẽ'õ mono õ di za. Wa hã wa tô i'upana sada ĩdâ'â za'ra, uburé iwasédé hã te tãma 're i'apari mono zéb da hã.” Ãne te za Timama wi te te 're rowaptẽrẽ, ai'upana za'ra wa'aba.

2 Zuwã 1:4

Ni'wam norĩ hã asiré 're i'aihâimana za'ra wa'aba mono norĩ hã iwasu'uwẽ tô sena zarina si te, u, 're hâimana za'ra, Wamama te te wama 're i'aroti mono zéb zarina si. Ãne hã te wapari wamhã, ma tô iwasu'u wẽ za'ra hã ĩma rowẽ waze. Tahawa, ĩtoi uptabi di, ãhã na mono hã.