Provébiu 23:13 - ꞌRe Ihâimana Uꞌâsi Mono Zadawa Wasuꞌu

¹³ Ai'uté hâimana pese zéb da, ahâri ãna 're hâimana za'ra mono da hã ãma 're arosa'rata mono tõ. Wedehu na i'azâri na hã ãma wĩrĩ dai õ di.

Provébiu 23:13 ပူးပေါင်းရင်းမြစ်များ

Provébiu 13:24

Ni'wa, ti'ra te te 're ahâri mono õ wamhã, tãma isawi'õzé hã te wasu'u. Duré ni'wa ti'ra te te 're sawi pese mono wamhã, te za tô simiza'rese prãi wi zahadu ré te te 're ahâri.

Provébiu 19:18

Ai'ra norĩ hã zahadu prédub õ ré, te za tãma 're iropipa za'ra wa'aba mo. Ãnei õ wamhã, te za tihâimanazé hã te te siwi 're uprosi za'ra, 'râwi.

Provébiu 22:15

Ai'uté norĩ iharé na te tô simiza'rese ãna marĩ hã te te 're 'manharĩ za'ra. Tane nherẽ, i'ahâri zarina te za tinhimiza'rese wẽ zé hã te te 're waihu'u za'ra.

Provébiu 23:12

Ma'ãpé da te aima 're iroti mono zé hã 're wapari pese mono, 're iwaihu'u pese mono zéb da hã.

Provébiu 29:15

Da'ra da te 're ihâ za'ra mono zéb zarina, te za i'rãiwaihu'u wẽ hã da te tãma 're sõmri za'ra. Tane nherẽ, ai'uté ahâri ãna, sihawim na marĩ sima iwẽ na, siwa'ru te te 're i'manharĩ mono zarina, te za tina wi hã te te ãma 're rowazéb zani.

Provébiu 29:17

Ai'ra norĩ ma, te za 're iropipa za'ra mo. Ãne wamhã, te za rowẽ hã te te aima sina 're sõmri za'ra, duré aipẽ'ẽ 're aima 're irobzei mono zéb zama hã.

Hebreu 12:7

Damama norĩ hã bété. E ti'ra norĩ hã te te 're hâ za'ra mono õ di za, po're ãna 're hâimana za'ra mono wamhã. Te za tô te te 're hâ za'ra. Tane te duré Aimama 'wa 'Re ihâimana u'âsi mono hã te te 're aihâ za'ra wa'wa. E marĩ wa. I'ra si tãma 're aihâimana za'ra wa'aba mono wa oto. Tahawa, marĩ na 're robzépata za'ra wa'aba mono nherẽ, te za sada 're asiptete za'ra wa'aba mo, aiwi 're robzei'õ za'ra wa'aba mono ãna. 'Re ihâimana u'âsi mono 'ra si, oto tãma 're aihâimana za'ra wa'aba mono wa, te te 're i'aihâ za'ra wa'aba mono zém na asina 're waihu'u pese za'ra wa'aba mono wa, te za tô sada 're asiptete za'ra wa'aba mo za.