Provébiu 23:10 - ꞌRe Ihâimana Uꞌâsi Mono Zadawa Wasuꞌu

¹⁰ Aihi'rata norĩ ti'a nhizârizé mono na ẽne te te siwi isa'ra mono hã apraba tõ, aima rob're wairob da hã. Duré imama'õ norĩ nhipti'a hã tiwi 're awaibui mono tõ.

Provébiu 23:10 ပူးပေါင်းရင်းမြစ်များ

Salmu 94:6

Ta norĩ hã te duré imrotõ pi'õ norĩ, duré imama'õ norĩ te te siwi 're simro. Wanhipti'ai 're wasiré a'uwẽ'õ 're isi'ubumroi mono norĩ hã te duré te te siwi 're simro.

Provébiu 15:25

Uburé Danhib'apito hã te 'râwi 're isi'madâ'â ze za'ra mono norĩ nhorõwa hã te te tiwi 're apru. Tane nherẽ, te imrotõ norĩ nhimarĩ hã te te tãma 're ab'madâ'â pese.

Provébiu 22:28

Aihi'rata norĩ ti'a nhizârizém na ẽne te te siwi isa'ra mono hã apraba tõ, aima rob're wairob da hã.

Tiagu 1:27

Ãne 're hâimana za'ra mono õ di za, 'Re ihâimana u'âsi mono nhimiroti 'madâ'â pese 'wa norĩ hã. Ãne te za ta norĩ hã 're hâimana za'ra. Imama'õ norĩ hã duré ina'õ norĩ hã te za te te 're pawaptob za'ra. Pi'õi mrotõ norĩ zama te za duré te te 're pawaptob za'ra, ropire hã tãma 're hâimana za'ra mono wamhã. Tihâimanazém na te za duré 're sipibui pese za'ra, Wanhib'apito zazei'õ'wa norĩ nhimirosa'rata zarina 're hâimana wasété za'ra mono tõ da. Ãne wamhã, te za Wamama hã te te 're da'awaihu'u, tô sena isimiroti 'madâ'â pese 'wa 're idahâimana za'ra mono na hã.