Provébiu 22:9 - ꞌRe Ihâimana Uꞌâsi Mono Zadawa Wasuꞌu

⁹ Ni'wa sõprum na 're hâimana mono wamhã, te za iwẽ si tãma ipisudu hã 're hâimana. E marĩ wa. Tisa hã isimarĩ'õ norĩ ma, te te 're a'a mono wa.

Provébiu 22:9 ပူးပေါင်းရင်းမြစ်များ

Salmu 112:9

Isimarĩ'õ norĩ ma, te za duré sõprum na tinhimarĩ hã te te 're anhomri. Õne u'â te za duré isimizawizé hã da'ãma 're hâimana. Ta hã dama pire di, duré dama iwazéb za'ẽne.

Provébiu 11:17

Ni'wa hã iwẽ te te dama 're 'manharĩ u'âsi mono wamhã, te za tô taha zarina 'râwi iwẽ hã te te sima 're ab'manharĩ. Tane nherẽ, isimirob'manharĩ wasété zé hã te za 'râwi tinhimirob'manharĩ wasété na 're si'u'a.

Provébiu 11:25

Ni'wa hã dama 're sõpru mono wamhã, te za 're sisibro pese. Duré ni'wa te te 're da'apawapto mono wamhã, te za da te dasiwi 're pawapto.

Provébiu 11:27

Iwẽ zô sima 're irĩtĩ mono hã te za da te dasiwi 're wazé. Tane nherẽ, iwasété zô si sima 're irĩtĩ mono hã te za tô iwasédé hã sitẽme te te 're a'wani.

Provébiu 14:21

Ni'wa tisiré hã te te 're a'ruiwapari mono wamhã, te za tiwasédé hã te te ãma 're ab'manharĩ. Tane nherẽ, ni'wa hã isimarĩ'õ norĩ ma, te te 're 'manharĩ wẽ mono wamhã, te za tô, toi u'âsi na 're hâimana.

Provébiu 19:17

Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.

Provébiu 21:13

Ni'wa isimarĩ'õ norĩ hârâ te te wapari tõ da, sipo're nhidâ wamhã, õhõ hârâ zama duré da te isada'âbâ da hã mare di.

Provébiu 28:24

Ni'wa, iwasété õ na te te iwaihu'u zarina, timama nhimarĩ norĩ ina nhimarĩ me te te tiwi simi'uri zahuré wamhã, te rowamnarĩ pese 'wa ne hã oto 're hâimana.

Provébiu 28:27

Ni'wa isimarĩ'õ ma, tinhimarĩ te te 're anhomri mono wamhã, marĩ zô tiwi 're iro'wanhi'riti mono da hã mare di. Tane nherẽ, ni'wa isimarĩ'õ te te 'madâ'â tõ da, tiwi 're u'rata mono wamhã, te za ropipa hã da te tãma 're pisutu.

Provébiu 31:20

Isibrob'õ norĩ hã, duré marĩ zô tiwi 're iro'wanhi'riti za'ra mono norĩ hã te duré te te 're apawapto.

Mateu 20:15

Te ĩsima iwẽzéb zarina, ĩte rob'uiprazém na te da'apawa'âbâ wamhã, e ĩwasédé wa tô 'manha. Mare di. Ĩwasédé hã te 'manharĩ õ di. Ãté taré dama ĩnhopru wa, ma tô ĩzada asahi, bâtâ bâ te te ĩma romhuri za'ra õ nherẽ, bâtâ na dapawa'âbâzém na te pawa'âbâ za'ra 'ru te.” Ãne ma tô buru tede'wa hã tãma siwaihu'u, tãma iromhuri'wai ma.

Luca 14:13

Tahawa, dasaihurizé hã dama 'manharĩ wamhã, te za isibrob'õ norĩ zô aihârâ za'ra, duré imorĩ'õ norĩ zô, duré i'rãtẽire norĩ zô, duré itob'a norĩ zô.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:35

Ĩnhimiromhuri pese na wa tô aima ãma asanho za'ra wa'wa, sib'uware na 're ihâimana za'ra mono norĩ hã wanhimiromhuri na wa te ãma 're pawaptob za'ra mono da. Wanhib'apito Zezusihi mreme na te za 're aipo're pu'u u'âsi za'ra wa'aba mo. Ãne ma tô wama waihu'u za'ra: “Dama marĩ nhomri'wai ma, rowẽ uptabi di, dawi marĩ âri'wai ma, irowẽ nhipai u.”

Hebreu 13:16

Marĩ iwẽ hã 're 'manharĩ za'ra wa'aba mono da dama, duré 're idapawaptob za'ra wa'aba mono zém na hã, ãma 're aipo're simrami za'ra wa'aba mono õ di za. Taha na zama te duré tãma 're asõprub za'ra wa'aba mo, taha na aima 're toi u'âsi za'ra wa'aba mono wa, 'Re ihâimana u'âsi mono hã.

Hebreu 6:10

'Re ihâimana u'âsi mono hã taré te te dama 're aropisutu mono õ di. I'uwaibaba si te uburé marĩ hã te te dama 're ab'manharĩ, te te dawi ãma 're a'upai mono ãna. Tahawa, tãma 're iromhuri za'ra wa'aba mono zém na hã ãma 're po're si'âri waihu'u mono õ di za. Isib'a'uwẽ norĩ hã tãma 're ipawaptob za'ra wa'aba mono zém na hã, duré tãma 're isawi pese za'ra wa'aba mono zém na hã, ãma po're si'âri waihu'u õ di za. Te za tô ãma 're sipo're pu'u u'âsi, ta norĩ ãma hã.

1 Pedru 4:9

Te za duré 're ida'mazasi wẽ za'ra wa'aba mo ari'iwi, 're dawata'ẽ za'ra wa'aba mono ãna.