Provébiu 22:7 - ꞌRe Ihâimana Uꞌâsi Mono Zadawa Wasuꞌu

⁷ Isibro pese norĩ hã isimarĩ'õ norĩ ma, siptete uptabi di. Duré ni'wa taré ropisutu na rob'uiprazé te te dawi i'mai'âri hã, te za te te tiwi i'âri zapari, wapu na 're hâimana.

Provébiu 22:7 ပူးပေါင်းရင်းမြစ်များ

Provébiu 14:31

Ni'wa isimarĩ'õ norĩ ãma te te 're iro'wa'rutu mono hã, Tipoto'wai ãma te te 're iwasété mono zé, te wasu'u. Tane nherẽ, isimarĩ'õ norĩ ma, te te 're i'manharĩ wẽ za'ra mono hã, 'Re ihâimana u'âsi mono hã te te 're iwazéb za'ra mono zé, te wasu'u.

Provébiu 18:23

Isimarĩ'õ norĩ hã te za wapu na dawi rowaptẽ. Tane nherẽ, isimarĩ pe hã te za timreme tete na hã ãma sada'â.

Provébiu 22:16

Ni'wa, isimarĩ'õ norĩ te te 're iwati pese za'ra mono zarina, 're sisimarĩ pese mono wamhã, niha wamhã, isibro pese norĩ ma, taré ro te te tãma 're sõmri za'ra mono wamhã, te za 're sisimarĩ õ pese za'ra.

Provébiu 22:22

Isimarĩ'õ norĩ wi, simapa waihu'u õ wẽ te, tiwi 're arĩ mono tõ, isimarĩ hã. Duré da'ãma rowairébézéb ãma, isipawapto waihu'u õ norĩ ma hã tãma 're arob'manharĩ mono tõ.

Mateu 18:25

Tawamhã te te tãma sõmri waihu'u õ wa, ma tô isib'apito hã dama ti'ru, da te wede da, da te uipra da, imro zama, duré i'ra norĩ zama, pawa'âbâ ãna te te dama 're romhuri za'ra mono da oto. Uburé isibro hã da te dama wede za'ra da hã, ma tô duré dama ti'ru, rob'uiprazé te te tiwi 're i'awaptẽrẽ mono hã te te ãma wa'âbâ da.

Tiagu 2:6

Tane nherẽ, ma tô a norĩ wa'wa hã isibrob'õ norĩ hã 're ihâiba wazéb'õ za'ra wa'aba mo. Ma'ãpé rosa'rata za'ra wa'aba. E 'wam norĩ hã te bété te te 're aiwati pese za'ra wa'wa. Duré e 'wam norĩ hã ma tô datẽme te te 're asimroi wa'wa, da'ãma rowairébé'wa norĩ u, ipipa na te te ai'ãma 're rowairébé za'ra wa'aba mono da. Isibro pese norĩ si, ma tô ãne na te te aima 're rob'manharĩ wasété za'ra wa'wa.

Tiagu 5:1

Asimarĩ ahâ na 're aihâimana za'ra wa'aba mono norĩ, ma'ãpé ĩwapari pese za'ra wa'aba. Niwapsi te za robzei'õ hã 're isépata za'ra wa'aba mo. Tahawa, te za ãne wana ré asina 're ai'ru'ru siromo aba mo.

Tiagu 5:4

Aiburu na romhuri'wa norĩ hã 're pawa'âbâ za'ra wa'aba mono õ di. Õhõta te aiwapsari za'ra. Hâiwa hawi te za dawapa, amnho ubumroi'wa norĩ 're isiwapsari za'ra mono zé hã 'Re ihâimana u'âsi mono, danhipai u iwaihu'u pe hã.